web counter
LEXO PA REKLAMA!

SHKARKO APP

App Store
Google Play

Komisioni i Apelimit në Bashkinë e Tiranës nuk funksionon/ Këlliçi: Do bëj kallëzim në SPAK

22 Nëntor 2024, 23:31, Politikë CNA
Komisioni i Apelimit në Bashkinë e Tiranës nuk funksionon/
Drejtuesi Politik i PD-së për Tiranën, Belind Këlliçi

Drejtuesi Politik i PD-së për Tiranën, Belind Këlliçi ka reaguar në lidhje me denoncimin për Komisionin e Apelimit Administrativ për Taksat dhe Tarifat në Bashkinë e Tiranës, i cili nuk funksionon.

Këlliçi ka shkruar në rrjetet sociale se mosfunksionimi i këtij komisioni është shumë i rëndë dhe mund të cilësohet një skandal.

Ai ka deklaruar se komisioni i vërtetë i Apelimit në Bashki ka qenë klani “5D”, ndërsa ka paralajmëruar kallëzim në SPAK.

“Në çdo investigim që mund t'i behet Bashkisë së Tiranës, do të gjesh një abuzim ose shkelje flagrante! Sigurisht nuk është aspak e lehtë puna e gazetarëve pasi kjo bashki është nga më të mbyllurat, më pak transparentja madje në Shqipëri. Sepse Erion Veliaj nuk njeh ligjet, rregullat dhe aktet. Ai ka drejtuar prej fillimit sikur të ishte institucion apo kompani private.

Zbulimi i Piranjave se Komisioni i Apelimit Administrativ për Taksat dhe Tarifat në bashkinë e Tiranës, nuk funksionon prej 5 vitesh është shumë i rëndë, por në fakt thjeshtë është skandali i radhës! Ka mijëra qytetarë që duhet të drejtohen diku, të ankimojnë padrejtësitë për taksat dhe tarifat e Bashkisë që po i mbysin qytetarët. Rezulton se kjo instancë nuk ka ekzistuar në 5 vite, edhe pse punën e saj e detyron vendimi i Këshillit Bashkiak. Ne e dimë të vërtetën, por tani e di dhe çdo qytetar, se përse ka ndodhur kjo. Sepse, komisioni i vërtetë i Apelimit në Bashki ka qenë klani 5D. Ata vetë ndërtonin, vetë merrnin tenderat, vetë vinin gjobat, dhe vetë ata mbyllën çdo shteg që një banor apo taksapagues, apo sipermarrës, të apelonte, të ankohej për të drejtën e tij.

Edhe për këtë paligjshmëri, do të bëjmë kallëzim në SPAK, aty ku ‘kolegët’ e Veliajt janë bërë mburojë e tij dhe mbajnë me hatër dhe mbi ligj, kryebashiakun më të korruptuar të historisë së Tiranës”, ka theksuar drejtuesi politik i PD-së për Tiranën./ CNA





Lajmet e fundit nga