web counter
LEXO PA REKLAMA!

SHKARKO APP

App Store
Google Play

Mbledhja me drejtuesit politik të PD/ Berisha: Më 26 nëntor Tirana në duart e qytetarëve

23 Nëntor 2024, 18:21, Politikë CNA
Mbledhja me drejtuesit politik të PD/ Berisha: Më 26 nëntor
Kreu i demokratëve, Sali Berisha

Kreu i demokratëve, Sali Berisha nisi mbledhjen me drejtuesit politik të Partsë Demokratike, ku në nisje të fjalës së tij ka bërë thirrje për protestë në Tiranë më 26 nëntor, ora 17:00

"Mirëmbrëma dhe përshëndetje zoti Noka, zotërinj drejtues të PD të qarqeve.

Kjo mbledhje e thirrur me urgjencë lidhet me protestën, me marshimin në Tiranë të qytetarëve të Tiranës dhe mbarë Shqipërisë me datën 26 nëntor, ora 5.

Koha në të cilën thirret jo protesta, por mosbindja civile, është e shkurtër.

Por, revolta, zemërimi i qytetarëve ndaj qeverisë rritet me shpejtësi progresive nga java në javë.

Zemërimi ndaj saj është i pandalshëm.

Në këtë kuadër mund të themi se protesta e datës 26 nëntor është një hap i vonuar.

Ndaj dhe kërkoj nga ju, nga kryetarët e degëve, kryesitë e degëve, anëtarët e kryesive, kryetarët e grupseksioneve, anëtarët e grupseksioneve dhe mbështetësit tanë, një mobilizim të jashtëzakonshëm në mënyrë që Tirana me datë 26 të jetë e tëra në duart e qytetarëve dhe jo të qeverisë.

Asgjë nuk ka më të pamëshirë se kohën dhe këtë duhet ta kemi të qartë secili nga ne.

Kjo narkoqeveri nuk meriton asnjë minutë kohë të vetme.

Sulmi dhe vetëm sulmi duhet të jenë qëndrimet tona."/CNA





Lajmet e fundit nga