web counter
LEXO PA REKLAMA!

SHKARKO APP

App Store
Google Play

E fundit!

x

Incidenti gjatë takimit të Ramës në Londër/ PD: Pasi i përzuri nga vendi i tyre, i dhunoi në vendin e adoptuar

24 Nëntor 2024, 18:32, Politikë CNA

Incidenti gjatë takimit të Ramës në Londër/ PD: Pasi i

Partia Demokratike ka reaguar pas incidentit që ndodhi ditën e sotme në Londër  ku një shqiptar u tërhoq zvarrë nga forcat e sigurisë pasi ka thirrur në sallë “Rama ik” dhe “Turp”, teksa kryeministri Edi Rama po mbante fjalën.

Partia Demokratike e ka cilësuar si një krim të dyfishtë, pasi i përzuri nga vendi i tyre, i dhunoi në vendin e adoptuar.

"Edi Rama, me mercenarët e tij dhunoi sot në kryeqytetin e Britanisë së Madhe, ata që kishin dalë për të ushtruar paqësisht të drejtën e protestës.
Si antishqiptar i vërtetë dhe frikacak i lindur, atij i duhej policia britanike për t’u mbrojtur nga bashkëatdhetarët.
Sot, ai kreu krimin e dyfishtë, pasi i përzuri nga vendi i tyre, i dhunoi në vendin e adoptuar.

Edi Rama do mbetet në analet e turpit të historisë si kryeministri që, pasi i ka përzënë nga vendi, dhunon dhe keqtrajton bashkëkombasit e tij.

Partia Demokratike e dënon me forcë dhunën e ushtruar kundër shqiptarëve të lirë.
Mercenarët që dhunuan në emër të Ramës janë vetëm masha mjerane të narkoshtetit.
Ndërkohë që, përgjegjësi i vetëm, ai që do përgjigjet deri në një për dhunën ndaj qytetarëve shqiptarë dhe britanikë, është Edi Rama.

Ora e fundit të tij dhe narkoshtetit që e kishte marrë me vete në Londër si cirk personal, po afron.

Të martën, në ora 17:00, ftojmë të gjithë shqiptarët në marshimin drejt Tiranës, për t’i dhënë të shtyrën e fundit frikacakut të Surrelit dhe burracakut të Londrës.

O sot, o kurrë!"/CNA





Lajmet e fundit nga