VIDEO-Lajthitja e Subashit: Fieri, si Amerika

25 Nëntor 2024, 10:22, Politikë CNA

VIDEO-Lajthitja e Subashit: Fieri, si Amerika

Armando Subashi

“Fieri, qyteti i ëndrrave, si Amerika”.

Kështu e ka konsideruar qytetin e Fierit, Armando Subashi, duke bërë gafën e madhe, duke thënë, në fakt, të padëgjuarën, që Fieri është një “Amerikë e vogël”.

“Nëse themi se në Amerikë kush është i zoti do të ecë, e njëjta gjë ka ndodhur edhe në Fier. Kush vjen në Fier dhe e mbështet suksesin tek aftësitë, te puna dhe talenti i vet normalisht Fieri mund t’i plotësojë ëndrrat. Fieri në këtë sens mund të jetë një Amerikë e vogël”, thotë Subashi ndër të tjera në një nga intervistat e tij.

*VIDEO E MARRË NGA RRJETET SOCIALE

Tani natyrshëm lind pyetja se si mund të jetë Fieri qyteti i ëndrrave, si Amerika?

Me një incenerator që u ka kushtuar taksapaguesve të varfër shqiptarë rreth 32 milionë euro, por nuk është vënë asnjë ditë në punë dhe ende nuk djeg mbetje?

Me një incenerator që në fakt nuk ka përfunduar, pasi mungon dhe 10% nga investimit total, rreth 3 milionë euro.

Përpos propagandës ku thuhet se inceneratorët janë shumë të bukur, janë për t'u shërbyer qytetarëve, pas tyre kemi një incenerator që është i papërfunduar, pasi i duhen 3 milionë euro të tjera investim si ai i Fierit, kemi inceneratorin e Elbasanit që nuk punon dhe është një kazan me naftë dhe duhen rreth 2 milionë euro në vit për mirëmbajtje dhe në Tiranë nuk kemi incenerator fare.

Armando Subashi nuk bën asgjë më shumë dhe as më pak sesa të tregohet qesharak dhe të bëhet meme me deklaratat e tij se e sheh Fierin si Amerikën.

Si mund të jetë Fieri si Amerika, ku mjafton të kalosh anash Gjanicës dhe mban era naftë.

Si mund të pretendosh se Fieri është si Amerika ku korrupsioni në këtë bashki është në nivelet më skandaloze dhe Armano Subashi është përgjegjës për këtë.

Si mund të jetë Fieri si Amerika kur kapen grupe kriminale që sjellin drogë nga vendet e Amerikës së Jugut.

Në këtë nivel e kap Amerikën, nuk ka ndonjë çudi të madhe.

Por që Armando Subashi të na sjellë Fierin si Amerika, do të na duket si Joe Biden, megjithëse nuk është në moshën e duhur.

Para se të na thotë se Fieri është si Amerika mirë bën të na tregojë për tenderët, aferat, korrupsionin, mungesën e ekonomisë, mungesën e turizmit në qytet deri te paaftësia e tij për ta kthyer qarkun e dytë më të madh në vend, në një motor të fuqishëm ekonomik, duke e lënë thjesht dhe vetëm në rrjedhën e tij që nuk është një Amerikë, por më shumë ngjan me ndonjë vend në Afrikë./ CNA