web counter
LEXO PA REKLAMA!

SHKARKO APP

App Store
Google Play

E fundit!

x

"Rama në Londër për të kërkuar votën"/ Berisha: Kishte marrë masa tu thyente brinjët atyre që i dilnin kundër

24 Nëntor 2024, 19:54, Politikë CNA
"Rama në Londër për të kërkuar votën"/
Kreu i demokratëve, Sali Berisha

Kreu i demokratëve, Sali Berisha gjatë fjalës së tij të përnatshme për mediat ka reaguar për incidentet që ndodhën gjatë takimit të kryeministrit Edi Rama në Londër.

Berisha theksoi se Rama kishte marrë masë që të ua thyente kafkën, tu thyente brinjët, atyre që do të guxonin të shfaqeshin aty ku ai mbante fjalën e tij.

"Por në gjuhën e tij atërore, bastardit i xhelatit Kristaq Rama i shpalli atje fjalimin e tij, si diversantë. Shkoi pra, për të kërkuar votën e emigrantëve, që jetojnë në një vend ku secili mund të thotë mendimin e tij.

Jetojnë në një vend që pranon mendimin ndryshe, në një vend në të cilin vetëm pak javë më parë në turin historik të mbretit Charls i III në Neozelandë një deputete në një sallë të vogël do të ngrihej dhe do të bërtiste, do të hidhte slogane kundër madhërisë së tij.

Por deputetja nuk u godit, nuk u zvarrit, u largua njerëzisht me të butë dhe nuk pati asnjë lloj pasoje. Kurse bastardi kishte marrë masat të ua thyente kafkën, tu thyente brinjët, klavikulat, atyre që do të guxonin të shfaqeshin aty ku ai mbante, fjalën e tij të neveritshme. Duke treguar kështu se cila është motoja e vërtetë e kërkimit të votës, ndaj emigracionit shqiptar.

Të dashur miq, në emrin tuaj unë shpreh mirënjohjen më të pakufishme ndaj atyre qindra e qindra protestuesve që me revoltën e tyre mbrojtën, nderin, dinjitetin e shqiptarit, përfaqësuan opozitën demokratët, përfaqësuan mbarë shqiptarët pavarësisht nga partitë e tyre, për guximin, dhe i garantoj se dhunuesit e tyre dhe Edi Rama do të përgjigjen gjer në një për aktet kafshërore të papara ndonjëherë në një takim, të quajtur elektoral."/CNA





Lajmet e fundit nga