web counter
LEXO PA REKLAMA!

SHKARKO APP

App Store
Google Play

Berisha: Protestuesit në Londër përfaqësuan të moshuarit, marrin pension më pak seç merr një gjerman për qenin e tij

24 Nëntor 2024, 20:08, Politikë CNA
Berisha: Protestuesit në Londër përfaqësuan të
Kreu i demokratëve, Sali Berisha

Kreu i demokratëve, Sali Berisha tha se protestuesit paqësorë që morën pjesë në takimin e Ramës u ngritën të revoltuar sepse Edi Rama i ka përzënë ata nga vendi i tyre i bukur.

Berisha shtoi se protestuesit në Londër përfaqësuan edhe çdo të moshuar, që merr pension më pak seç merr një gjerman për qenin e tij.

"Protestuesit paqësor, trima e guximtar në Londër u ngritën të revoltuar sepse Edi Rama i ka përzënë ata nga vendi i tyre i bukur, ua ka tjetërsuar Shqipërinë, e ka bërë të pamundur jetesën, me vjedhjet e tij të tmerrshme, në rrugë, në punët publike, në fondet publike, në pasuritë publike.

Ata u ngritën si viganë për të përfaqësuar aty, çdo të ri shqiptar që nën këtë regjim, nuk mundet kurrë të ndërtojë  ëndërrën rinore në dheun e tij. Nuk mundet kurrë sepse i duhet që për çdo kërkesë të paguajë një gjobë që ai nuk e paguan dot.

Sepse i duhet, se në rast se  mendon të krijojë familje dhe të blejë një fole  për familjen e tij, i duhet të punojë, sipas çmimeve nga 70 në 108 vite për të shlyer detyrimin e blerjes së një apartamenti.

Ata që me guxim, heroizëm protestuan brenda dhe jashtë pallatit ku mbahej takimi i zi i Edi Ramës me bandit dhe patronazhist përfaqësuan aty çdo të ri, por përfaqësuan edhe çdo të moshuar, çdo pensionist, të cilët sot në Shqipëri marrin sot një pension më të vogël seç merr gjermani për qenin e tij në shtëpi.

Po, po. Gjermani për qenin e tij në shtëpi, merr 125 euro. Por 125 euro në Gjermani, me çmimet, me mbulimet që kanë shërbimet shëndetësore me çmimet e  ushqimeve të tjera, janë të paktën sa 200 euro në Shqipëri.

Dhe kjo është e vërteta."/CNA





Lajmet e fundit nga