web counter
LEXO PA REKLAMA!

SHKARKO APP

App Store
Google Play

Begaj, takim me përfaqësuesit e PD-PS për datën e zgjedhjeve/ Bardhi e refuzon

25 Nëntor 2024, 08:38, Politikë CNA

Begaj, takim me përfaqësuesit e PD-PS për datën e

Presidenti i Shqipërisë, Bajram Begaj, do të presë sot në takim përfaqësues të PD dhe PS për zgjedhjen e datës së zgjedhjeve.

Sipas kalendarit të njoftuar nga presidenca, Presidenti Begaj në orën 10:30 minuta do të presë në institucionin e kreut të shtetit, përfaqësuesit e Partisë Demokratike. Konkretisht Sekretarin e Përgjithshëm, Flamur Noka dhe kreut të grupit, Gazment Bardhit.

Në orën 11:30, në takim me Presidentin do të jenë përfaqësuesit e Partisë Socialiste, teksa konsultimet do të mbyllen me takimin me kryetarin e KQZ-së, Ilirjan Celibashi.

Nga ana tjetër kryetari i grupit parlamentar, Gazment Bardhi, ka deklaruar më herët se nuk do të jetë prezent në takim pasi sipas tij data e zgjedhjeve është vendosur dhe e gjithë kjo që po bën Presidenti është një farsë.

“Personalisht refuzoj të përfshihem në një proces farsë dhe që synon vetëm t’i japë legjitimitet një akti të diktuar në mënyrë antikushtetuese nga partia në pushtet. Caktimi i datës së zgjedhjeve është kompetencë kushtetuese e Presidentit të Republikës dhe kurrsesi një akt që diktohet nga Edi Rama dhe Taulant Balla. Tashmë dyshja Rama-Balla e kanë caktuar datën e zgjedhjeve dhe Presidenti pritet vetëm të nënshkruajë e të vulosë vullnetin e partisë në pushtet. Farsa e gjoja konsultimeve me parti politike dhe madje edhe me individë pa parti, është një akt i shëmtuar që meriton vetëm të përbuzet”, ka thënë Bardhi në një reagim zyrtar./ CNA





Lajmet e fundit nga