web counter
LEXO PA REKLAMA!

SHKARKO APP

App Store
Google Play

E fundit!

x

Altin Dumani mirëpriti Prokuroren e Përgjithshme të Holandës, Sue Preenen

7 Nëntor 2024, 15:26, Kronika CNA

Altin Dumani mirëpriti Prokuroren e Përgjithshme të

Kreu i SPAK-ut, Altin Dumani, mirëpriti Prokuroren e Përgjithshme të Holandës, Sue Preenen dhe ekipin e saj gjatë vizitës në ambientet e Prokurorisë.

Në takim u diskutua për sfidat e përbashkëta të Shqipërisë me Holandën dhe identifikimin e metodave për shkëmbimin e ndërsjellë e të dhënave, për t'u ardhur në ndihmë grupeve hetimore. 

Njoftimi i SPAK-ut:

Drejtuesi i Prokurorisë së Posaçme, Z. Altin Dumani zhvilloi sot një takim me Prokuroren e Përgjithshme të Holandës, Znj. Sue Preenen dhe ekipin e saj, gjatë vizitës së tyre në SPAK.  Të dy palët nënvizuan rëndësinë e bashkëpunimit dhe thellimin e tij në luftën e përbashkët kundër krimit të organizuar dhe korrupsionit.

Z. Dumani përshëndeti arritjet e deritanishme, të cilat kanë krijuar një themel të fortë në adresimin e çështjeve dhe avancimin e hetimeve të përbashkëta mes Shqipërisë dhe Holandës. Znj.Preenen e cilësoi mbresëlënëse punën e suksesshme dhe rezultatet e shënuara nga SPAK në një kohë të shkurtër, prej themelimit të këtij institucioni.

Gjatë takimit u fol edhe për sfidat e përbashkëta dhe identifikimin e metodave më efikase për shkëmbimin e ndërsjelltë dhe të shpejtë të të dhënave që do t’u vijnë në ndihmë skuadrave të përbashkëta hetimore, në konfiskimin dhe sekuestrimin e aseteve kriminale.

Takimet e këtij niveli ndihmojnë në forcimin e përpjekjeve të përbashkëta kundër krimit të organizuar, i cili i tejkalon kufijtë e vendeve respektive si dhe ndihmojnë në rritjen e kapaciteve dhe transparencën ligjore.





Lajmet e fundit nga