web counter
LEXO PA REKLAMA!

SHKARKO APP

App Store
Google Play

E fundit!

x

Vjedhje në mënyrë spektakolare/ GJKKO rrëzon kërkesën e anëtarit të bandës së “Babagjyshëve”

6 Nëntor 2024, 12:38, Kronika CNA

Vjedhje në mënyrë spektakolare/ GJKKO rrëzon

GJKKO ka rrëzuar kërkesën e Fatmir Pjetrit, njërit prej anëtarëve të bandës së "Babagjyshëve".

Pjetri kishte kërkuar anulimin e urdhrit të Ministrit të Drejtësisë për vendosjen e tij në regjimin e posaçëm të ushtrimit të të drejtave në burgun e sigurisë së lartë.

Ai njihet si një prej anëtarëve që kreu vjedhjet spektakolare.

“Kërkuesi Fatmir Pjetri me datë 18.04.2024 ka paraqitur pranë Gjykatës kërkesën me objekt: Anulimin e urdhërit të Ministrit të Drejtësisë nr. 195 datë 05.04.2024, “Për vendosjen në regjimin e posaçëm të ushtrimit të të drejtave në burgun e sigurisë së lartë të të burgosurit Fatmir Pjetri”.

Në përfundim të gjykimit, Gjykata e Posaçme e Shkallës së Parë për Korrupsionin dhe Krimin e Organizuar me trup gjykues të përbërë nga gjyqtari Erjon Çela, bazuar në nenet 112 dhe 471 e vijues të K.Pr.Penale dhe nenin 17 të Ligjit nr. 81/2020, datë 25.06.2020 “Për të drejtat dhe trajtimin e të dënuarve me burgim dhe të paraburgosurve”, me vendimin Nr. 234, datë 06.11.2024, vendosi:

Rrëzimin e kërkesës së kërkuesit (të dënuarit) Fatmir Pjetri.

Kundër këtij vendimi mund të bëhet ankim në Gjykatën e Posaçme të Apelit për Korrupsionin dhe Krimin e Organizuar brenda 15 (pesëmbëdhjetë) ditëve, duke filluar ky afat nga e nesërmja e komunikimit të këtij vendimi”, thuhet në njoftim./ CNA





Lajmet e fundit nga