web counter
LEXO PA REKLAMA!

SHKARKO APP

App Store
Google Play

E fundit!

x

Cili është pengu i Altin Dumanit

22 Nëntor 2024, 23:13, Aktualitet CNA
Cili është pengu i Altin Dumanit
Kreu i SPAK-ut, Altin Dumani

Altin Dumani u pyet mbrëmjen e sotme për pengun e tij si drejtues i Prokurorisë së Posaçme.

Dumani tha në një intervistë televizive se pengu më i madh është kufizimi i lirisë së tij individuale dhe familjare.

Ai tha se kanë sakrifikuar jo vetëm familjarët e tij, por edhe kolegët e tij prokurorë dhe familjet e tyre.

"Dua të falenderoj me përulësi prokurorët e SPAK hetuesit, hetuesit financiarë e të gjithë ata që punojnë për përkushtim dhe sakrificë në përmbushjen e kësaj detyre. Mirënjohje

Dua të falenderoj familjen time. Nuk është e lehtë të jesh prokuror, për më tepër drejtues në Prokurorinë e Posaçme. Është e vështirë në ambientin shqiptar të përmbushësh me profesionalizëm. 

Veten patjetër e kam kufizuar dhe sakrifikuar, por nga ana tjetër edhe familja ime po sakrifikon. Është e kufizuar në jetën e saj, lirinë e saj. Dhe familjet e prokurorëve janë të kufizuar në lirinë e tyre.

Kur shkoj nga shtëpia për në punë në mëngjes, se natën kthehem vonë e nuk shoh gjë, nga dritarja e automjetit shoh  njerëzit që lëvizin lirshëm, mua më vjen pyetja a do të vijë ajo kohë që unë, familja ime, kolegët e mi dhe familjet e saj të lëvizin lirshëm?

Përgjigjja ime është që unë pavarësisht përgjegjësive është një punë që kemi zgjedhur ta bëjmë e do ta bëjmë me përkushtim.  Dua të falenderoj familjen që më duron e më mbështet pavarësisht kostove që kanë marrë përsipër", theksoi Dumani./ CNA





Lajmet e fundit nga