web counter
LEXO PA REKLAMA!

SHKARKO APP

App Store
Google Play

Dumani: Sky ECC dhe Encrochat ekspozuan lidhjet e krimit me politikën, drejtësinë dhe policinë

22 Nëntor 2024, 22:53, Aktualitet CNA

Dumani: Sky ECC dhe Encrochat ekspozuan lidhjet e krimit me politikën,

Kreu i SPAK-ut, Altin Dumani, tha mbrëmjen e sotme se Sky ECC dhe Encrochat ekspozuan lidhjet e krimit me politikën, drejtësinë dhe policinë.

Ai deklaroi në një intervistë televizive se bisedat në këto aplikacione i krijuan SPAK-ut një panoramë më të qartë të krimit të organizuar shqiptar.

Dumani tha se kështu prokurorët mësuan shtrirjen gjeografike, aktivitetet që synonin dhe aleancat mes grupeve kriminale.

“Sky ECC është një ndër provat e trajtuara gjatë fazës së hetimit paraprak. Por edhe bashkëpunimi në kuadër të SKY ECC është një tjetër tregues i nivelit të zbatimit të ligjit kanë te SPAK dhe që i dhanë mundësi SPAK-ut të punojë me prova të kësaj natyre, falë edhe të dhënave të përfituara nga SKY, ne tashmë kemi një panoramë më të qartë të krimit të organizuar shqiptar, të shtrirjes gjeografike, të aktiviteteve të synuara të krimit të organizuar shqiptar, të aleancave me grupet e tjera kriminale jo shqiptare, të fuqisë financiare të tyre.

Gjithashtu procedimet penale kur përdorëm SKY na dhanë mundësi të ekspozonim lidhjet e krimit të organizuar me politikën, me gjyqtarë, me prokurorë, me funksionarë të lartë policie dhe me përfaqësues të lartë të administratës”, theksoi kreu i SPAK-ut./ CNA





Lajmet e fundit nga