web counter
LEXO PA REKLAMA!

SHKARKO APP

E fundit!

x

Rrjedhja e sekretit hetimor/ Dumani: Ka çështje në hetim edhe brenda nesh

22 Nëntor 2024, 21:53, Aktualitet CNA
Rrjedhja e sekretit hetimor/ Dumani: Ka çështje në hetim edhe
Kreu i SPAK-ut, Altin Dumani

Kreu i SPAK-ut, Altin Dumani, foli mbrëmjen e sotme për rrjedhjen e sekretit hetimor për dosjet e Prokurisë së Posaçme.

Dumani tha se SPAK-u ka hapur çështje për rrjedhjen e sekretit hetimor, ku janë duke u hetuar edhe prokurorë të posaçëm dhe hetues të BKH-së.

“Sa i takon rrjedhjes së sekretit dhe gazetarët e kronikës janë dëshmitarë që është minimizuar shumë falë edhe masave të marra si institucion. Kemi hapur edhe hetime, aty brenda nesh për njëri-tjetrin për prokurorë, për hetues, kushdo që ka qenë në kontakt me informacionin i cili ka rrjedhur.  Ju garantoj që nëse ka prokurorë të prokurorisë së Posaçme, hetues të Byrosë Kombëtare të Hetimit, i cili bën të mundur rrjedhjen e informacionit apo kryen një vepër tjetër penale, do vendoset para përgjegjësisë penale. Kjo nuk diskutohet. Raporti nuk është përfundimtar, ka çështje që janë në hetim në lidhje me sekretin hetimor edhe nga brenda nesh”, theksoi ai në një dalje televizive./ CNA





Lajmet e fundit nga