web counter
LEXO PA REKLAMA!

SHKARKO APP

App Store
Google Play

Ministria e Jashtme: Pasivizimi i adresave të shqiptarëve në Luginën e Preshevës shkel të drejtat e njeriut

21 Nëntor 2024, 20:31, Aktualitet CNA
Ministria e Jashtme: Pasivizimi i adresave të shqiptarëve në
Ministria e Jashtme e Shqipërisë

Ministria e Jashtme e Shqipërisë ka dalë me një deklaratë për pasivizimin e adresave të shqiptarëve në Luginën e Preshevës

Ministria e Jashtme thotë se pasivizimi i adresave përbën një shkelje të të drejtave të njeriut dhe të standardeve për mbrojtjen e pakicave.

Në deklaratë është theksuar se pasivizimi i adresave nuk është një çështje thjesht ligjore, por ka pasoja mbi jetën e përditshme të shqiptarëve në këtë rajon.

“Ministria për Evropën dhe Punët e Jashtme ndjek me vëmendje fenomenin e pasivizimit të adresave të shqiptarëve në Luginën e Preshevës, veçanërisht në Medvegjë. Ky veprim përbën një shkelje të të drejtave të njeriut dhe të standardeve për mbrojtjen e pakicave, duke privuar shqiptarët nga qasja në shërbime bazë dhe ushtrimi i të drejtave të tyre themelore.

Pasivizimi i adresave nuk është një çështje thjesht ligjore, por ka pasoja mbi jetën e përditshme të shqiptarëve në këtë rajon, duke cenuar të drejtat dhe barazinë e tyre.

Ministria ka adresuar dhe do të vazhdojë të adresojë këtë çështje në dialogun me autoritetet serbe, si dhe në forume ndërkombëtare. Përmes angazhimit të saj të vazhdueshëm, Shqipëria do të vazhdojë të kërkojë mbrojtjen e të drejtave të shqiptarëve në Luginën e Preshevës, në përputhje me standardet ndërkombëtare për të drejtat e njeriut dhe pakicave”, ka nënvizuar Ministria e Jashtme./ CNA





Lajmet e fundit nga