web counter
LEXO PA REKLAMA!

SHKARKO APP

App Store
Google Play

VanHorn paralajmëron qeverinë/ “Shmangni investimet që paraqesin rrezik për sigurinë kombëtare”

20 Nëntor 2024, 22:01, Aktualitet CNA
VanHorn paralajmëron qeverinë/ “Shmangni investimet që
E ngarkuara me Punë e Ambasadës së SHBA-së në Tiranë, Nancy VanHorn

E ngarkuara me Punë e Ambasadës së SHBA-së në Tiranë, Nancy VanHorn mori pjesë këtë të mërkurë në një aktivitet të organizuar nga Dhoma Amerikane e Tregtisë.

Në fjalën e saj ajo tha se mbeten ende sfida për t’u adresuar sa i përket zhvillimit të një klime të mirë të biznesit.

Zyrtarja amerikane bëri thirrje të shmangen investimet problematike që rrezikojnë sigurinë kombëtare.

“Ju premtoj se do të punoj krah për krah me ju për të promovuar një klimë të mirë biznesi për kompanitë shqiptare dhe amerikane.

Dua t’ju them dhe diçka tjetër, ndërsa shikojmë drejt krijimit të kësaj klime të mirë biznesi duhet të kemi parasysh disa prej rreziqeve të investimeve potencialisht problematike. Kjo është arsye pse ambasada mbështet fuqimisht legjislacionin e shqyrtimit të investimeve të cilat janë në përputhje me udhëzimet e BE-së.

Ne besojmë që është thelbësore të shmangen investimet që nuk janë në përputhje me prioritetet shqiptare ose më keq mund të paraqesin rreziqet për sigurinë kombëtare gjatë rrugës.

Shpresoj që ju si shtylla të komunitetit të biznesit do të nxisni Shqipërinë t’i bashkohet  vendeve të BE-së që kanë miratuar legjislacione për shqyrtim ose verifikimin e investimeve”, u shpreh ajo.

VanHorn po ashtu kërkoi të miratohet legjislacioni me synim luftën ndaj informalitetit./ CNA





Lajmet e fundit nga