web counter
LEXO PA REKLAMA!

SHKARKO APP

App Store
Google Play

E fundit!

x

Vrasja e 14-vjeçarit/ Topi: Këtu ndodhin 3-4 ngjarje në ditë, jemi për faqe të zezë

20 Nëntor 2024, 17:34, Aktualitet CNA
Vrasja e 14-vjeçarit/ Topi: Këtu ndodhin 3-4 ngjarje në
Ish-presidenti Bamir Topi

Ish-presidenti Bamir Topi reagoi këtë të mërkurë në lidhje me ngjarjen tragjike që ndodhi pasditen e së dielës, ku u vra një 14-vjeçar nga një bashkëmoshatar i tij.

Në një dalje për mediat, Topi tha se kjo ishte një ngjarjet më të rënda dhe të dhimbshme.

Ai deklaroi se sherre mes adoleshentëve ndodhin çdo ditë, por nuk ekspozohen në media.

“Një ngjarje që në kuadrin e shumë të tjerave që ndodhin në Shqipëri ndoshta ka qenë më e dhimbshmja. Të gjitha ngjarjet me humbje jete janë tragjike, por kjo ishte në specifikën e vet shumë e dhimbshme. Mjerë ai që iku aq i vogël , mjerë familja që po përjeton këtë histori.

Duhet emisione për të folur se ku po lëviz brezi i ri. Sa herë tentojmë ta minimizojmë një ngjarje që ndodh, themi është në kontekstin global. Sipas INSTAT kemi përfunduar në 2 milionë e 400 mijë njerëz. Pjesa kryesore jeton në 100 kilometra katrorë. Qeveritë janë kujdesur të jenë në rregulluar me premtimin për të garantuar hyrjet dhe daljet nga shkolla, por gjërat ndodhin.

Këtu ndodhin 3-4 ngjarje në ditë, disa nuk ekspozohen fare. Jemi për faqe të zezë për hir së vërtetës”, theksoi Topi./ CNA





Lajmet e fundit nga