web counter
LEXO PA REKLAMA!

SHKARKO APP

App Store
Google Play

E fundit!

x

Prezantohen drejtorët e rinj në Shkodër dhe Lezhë/ Hoxha: Të goditen fort grupet kriminale

19 Nëntor 2024, 11:43, Aktualitet CNA

Prezantohen drejtorët e rinj në Shkodër dhe Lezhë/ Hoxha:

Gjatë prezantimit të drejtorit Fatmir Lleshaj, ministri Hoxha theksoi se ngjarjet e fundit kanë treguar që është urgjente nevoja për të forcuar operacionet dhe për të krijuar një mjedis, ku krimi nuk gjen hapësirë për të vepruar.

Ministri i Brendshëm, Ervin Hoxha, kërkoi nga drejtori i ri i Policisë së Shkodrës, Fatmir Lleshaj, goditjen e fortë të grupeve kriminale, që janë kërcënim për sigurinë e qetësinë e qytetarëve.

“Sfida mbetet dhe është e qartë: Grupet kriminale. Z. Lleshaj, i cili rikthehet në Shkodër, tashmë në një rol drejtues, ka detyrën dhe përgjegjësinë për të intensifikuar përpjekjet në këtë drejtim, për të punuar ngushtë me të gjitha strukturat dhe për të forcuar bashkëpunimin me komunitetin”, -tha Ministri i Brendshëm.

Ministri Hoxha kërkoi nga drejtuesi i ri i Policisë së Shkodrës rritjen e forcës goditëse ndaj paligjshmërisë në tërësi, krimit të organizuar në veçanti, si dhe zbardhjen e ngjarjeve kriminale, me fokus të veçantë parandalimin e tyre.

Nga drejtori i ri i qarkut Lezhë, Altin Mena, ministri Hoxha kërkoi një ritëm të ri dhe theksoi nevojën për ndryshim.

 “Lezha si një qark me rëndësi për shkak të potencialit turistik dhe zhvillimeve ekonomike, ka mjaft sfida që duhen adresuar, prandaj kërkohet një temp i ri pune dhe arritje të qëndrueshme.”/ CNA





Lajmet e fundit nga