web counter
LEXO PA REKLAMA!

SHKARKO APP

App Store
Google Play

E fundit!

x

Roli i Bllakos në aferën e inceneratorit/ Caktoi Vladimir Bezhanin si urë lidhëse me Zoton

17 Nëntor 2024, 12:23, Aktualitet CNA
Roli i Bllakos në aferën e inceneratorit/ Caktoi Vladimir Bezhanin si
Inceneratori i Tiranës

Prokuroria e Posaçme ka nxjerrë të dhëna nga dosja për Alqi Bllakon, të cilin e ka dërguar për gjykim në lidhje me korrupsionin për kontratën koncesionare të inceneratorit të Tiranës.

SPAK-u tregon se rolin e Bllakos dhe përfshirjen e Vladimir Bezhanit si urë lidhëse për procedurën e dhënies së koncesionit.

Bllako, ish-sekretari i Përgjithshëm i ministrit të Mjedisit, ka propozuar Vladimir Bezhanin si Këshilltar të Jashtëm të ministrit të Mjedisit.

Më pas, ai i ka kërkuar Klodian Zotos ta punësojë Bezhanin në kompaninë e tij “Integrated Technology Services” sh.p.k.

Sipas SPAK-ut, Bezhani ka mbajtur kontakte me Klodian Zoton sipas udhëzimit të Bllakos për të hartuar dokumentacionin për koncesionin.

Kështu, Prokuroria e Posaçme thekson se ka përfituar në mënyrë të parregullt 7,520,000 lekë, nëpërmjet Alqi Bllakos.

Roli i Bllakos në aferën e inceneratorit/ Caktoi Vladimir Bezhanin si
Alqi Bllako

“I pandehuri Alqi Bllako i ka propozuar Vladimir Bezhanit të vazhdonte detyrën si këshilltar i jashtëm i ministrit të Mjedisit, Lefter Koka dhe të ndihmonte me konsulencë juridike gjatë kohës kur kishte lindur idea e projektit të zhvillimit të procedurës së dhënies së koncesionit për trajtimin e mbetjeve në qytetin e Tiranës, përpara se të bëhej propozimi i pakërkuar në Ministrinë e Mjedisit.

Për shërbimin e Vladimir Bezhanit, si këshilltar i jashtëm i ministrit të Mjedisit, shtetasi Alqi Bllako i ka kërkuar/propozuar shtetasit Klodian Zoto, aksioner i shoqërisë propozuese 'Integrated Technology Services' sh.p.k, dhe aksioner i shoqërisë koncesionare 'Integrated Energy BV SPV' sh.p.k, dhënien e përfitimit të parregullt për shtetasin Vladimir Bezhani, duke e punësuar fiktivisht tek shoqëria 'Integrated Technology Services' sh.p.k. dhe siguruar një përfitim të parregullt në vlerën 7,520,000 lekë.

Gjatë kohës që Vladimir Bezhani ishte këshilltar i jashtëm i ministrit të Mjedisit, Lefter Koka ai ka mbajtur kontakte me Klodian Zoton, sipas orientimit të të pandehurit, Alqi Bllako duke i siguruar të dhëna të marra nga autoriteti kontraktor, që i shërbyen shoqërisë propozuese të shtetasit Klodian Zoto, 'Integrated Technology Services' sh.p.k. për të hartuar dokumentacionin e nevojshëm për propozimin e pakërkuar”, theksohet në njoftim./ CNA





Lajmet e fundit nga