web counter
LEXO PA REKLAMA!

SHKARKO APP

App Store
Google Play

SPAK: Alqi Bllako përfitoi rreth 120 mijë euro makineri nga Zoto dhe Mërtiri

17 Nëntor 2024, 11:52, Aktualitet CNA
SPAK: Alqi Bllako përfitoi rreth 120 mijë euro makineri nga Zoto dhe
Fotomontazh

Prokuroria e Posaçme ka dërguar për gjykim dosjen për Alqi Bllakon, të cilin e akuzon për korrupsion në dy raste.

Sipas SPAK-ut, Bllako ka ndërhyrë në mënyrë korruptive për lidhjen e kontratës koncesionare të vitit 2017 për “Ndërtimin e landfillimit, inceneratorit dhe rehabilitimit të vend depozitimeve ekzistuese, Tiranë”, mes Ministrisë së Mjedisit dhe shoqërisë koncesionare “Integrated Energy B.V SPV” sh.p.k.

Në njoftimin e Prokurorisë së Posaçme thuhet se Bllako, i cili në cilësinë e Sekretarit të Përgjithshëm të Ministrisë së Mjedisit, ka përfituar vlerën monetare prej 119.715 eurosh.

Këto para, ish-sekretari i Ministrisë së Mjedisit i ka marrë nga Klodian Zoto dhe Mirel Mërtiri për të blerë makineri për mbushjen, mbylljen, vulosjen dhe certifikimin e shisheve, makineri për gazifikimin e pijeve.

Më pas, këtë makineri ai e ka vendosur në punë në kompaninë e babait të tij, Edmond Bllako.

“I pandehuri Alqi Bllako ka përfituar në mënyrë të tërthortë nga Klodian Zoto dhe Mirel Mërtiri (pronarët de facto të shoqërisë koncesionare 'Integrated Energy B.V SPV' sh.p.k.), vlerën monetare prej 119,755 Euro, si pagesë për blerjen e pajisjes 'Makineri për mbushjen, mbylljen, vulosjen apo etiketimin e shisheve, makineri për gazimin e pijeve', për aktivitetin tregtar të shoqërisë së babait të tij, Edmond Bllako, me adresë: 'Ropi Stillo Gostivishti', Ersekë”, thekson SPAK-u./ CNA





Lajmet e fundit nga