web counter
LEXO PA REKLAMA!

SHKARKO APP

App Store
Google Play

E fundit!

x

Ngacmoi nxënëset në “WhatsApp”/ Lihet në burg mësuesi, avokati: Ishte nën efektin e alkoolit

16 Nëntor 2024, 12:25, Aktualitet CNA

Ngacmoi nxënëset në “WhatsApp”/ Lihet në burg

Mësuesi i Arteve pamore në Korçë, Bledar Duro, është lënë në masën e sigurisë arrest me burg. Duro disa ditë më parë u arrestua pasi ngacmonte në aplikacionin "WhatsApp" dy nxënëset e shkollës.

Kristi Koçibelli, avokati i Bledar Duros, në një deklaratë për mediat pas dhënies së masës së arrestit, tha se klienti i tij pranoi se ishte nën efektin e alkoolit kur u ka shkruar nxënësve, ndërsa e cilësoi mësuesin një person të nderuar.

Për këtë fakt ai kërkoi masë më të butë sigurie, e cila nuk u pranua nga gjykata.

“Kemi paraqitur më shumë se 6 prova, vërtetim të Spitalit të Traumës në Tiranë dhe të Spitalit Korçë për shtrimet e tij në spital dhe programin e mjekes këtu në Korçë, ndërkohë që bashkëshorten e ka infermiere dhe e ndihmon të kurohet. Mendoj se e vetmja shkelje që ka kryer ky shtetas është një kundërvajtje administrative për shkak të komunikimit me nxënësit.

Në këto kushte mendoj se duke qenë një kundërvajtje administrative mund të merrej një masë nga Drejtoria e shkollës apo Drejtoria Arsimore, por kurrsesi komunikimi që mund të ketë çdo person në rrjetet sociale nuk përbën një vepër penale.

Shtrimi i parë ka qenë në 2014 dhe i fundit në maj të këtij viti. Disa ditë para se të arrestohej ka qenë në komunikim me mjeken e tij dhe vazhdonte kurimin.

Ai shpjegoi se gjatë qëndrimit në shkollë nuk konsumonte alkool, por pas shkollës konsumonte alkool në mënyrë të tepruar. Provat që kam paraqitur para gjykatës janë të mjaftueshme që ndaj këtij shtetasi të ishte një masë më të butë.

Bledar Duro është një profesor prej 25 vitesh, ka qenë në disa shkolla dhe në gjithë këto vite ka pasur një respekt të jashtëzakonshëm te nxënësit e tij. Ai ka nxjerrë me qindra e mijëra punime të tij në Korçë. Komunikimi mes tij dhe nxënësve kanë qenë me respekt”, tha avokati./ CNA

 





Lajmet e fundit nga