web counter
LEXO PA REKLAMA!

SHKARKO APP

App Store
Google Play

E fundit!

x

I dënuar për shpërdorim detyre dhe fshehje pasurie/ Kalon për gjykim dosja e Jorgo Goros

15 Nëntor 2024, 11:09, Aktualitet CNA

I dënuar për shpërdorim detyre dhe fshehje pasurie/ Kalon

GJKKO ka kaluar për gjykim dosjen e ish-kryebashkiakut të Himarës, Jorgo Goro, i cili ka kërkuar gjykim të shkurtuar.

Goro akuzohet për shpërdorim detyre dhe fshehje të pasurisë. Kallëzimin për Goron e bëri ish-kryebashkiaku Fredi Beleri. 

Goro akuzohet nga SPAK-u për “Shpërdorim detyre” në bashkëpunim, e prej marsit 2024 ndodhet në burg, pasi GJKKO me kërkesë të SPAK-ut caktoi masën e sigurisë “arrest me burg” ndaj tij.

Hetimet e SPAK-ut treguan se Goro në bashkëpunim me Jerasimo Bashin, përcollën pranë organeve kompetente dokumente të falsifikuara duke bërë të mundur regjistrimin e një sipërfaqe prej 5512 m2 tokë bujqësore, në pronësi të shtetit, në favor të subjektit privat, në pronësi të Foto Mëhillit, i ati i Stavri Mëhillit.

Pas kësaj procedure, të dy ata kanë vijuar me transaksionet për të regjistruar sipërfaqen e tokës në emër të një shoqërie private me përfaqësues Artan Gaçin.

Në total janë dy sipërfaqe toke të tjetërsuara, të dyja rreth 10 mijë m2. 

Lidhur me këtë çështje, kreu i kadastrës Vlorë, Bilbil Aliaj, u la në masën “detyrim paraqitje”, ndërsa ish-juristi Vezir Gjikoka, si dhe ish-drejtori i Drejtorisë së Mbrojtjes dhe Menaxhimit të tokës në Bashkinë Himarë në “arrest në shtëpie”.

Nga ana tjetër, Stavri Mëhilli, pronari i tokës, që dyshohet se ka kryer 2 vepra penale, lënë në “arrest me burg”, në mungesë, për shkak se nuk është gjetur për t'u arrestuar.

Pak muaj pas arrestimit Prokuroria e Posaçme kërkoi një tjetër masë sigurie arresti në burg për Jorgo Goron si dhe sekuestroi 4900m2 tokë që është përfituar nga ish-kryebashkiaku i komanduar i Himarës, Arqile Bollano./ CNA





Lajmet e fundit nga