web counter
LEXO PA REKLAMA!

SHKARKO APP

App Store
Google Play

Vrasja e 14-vjeçarit/ Presidenti i FSHF-së, Duka i tronditur, mesazhi i fortë

19 Nëntor 2024, 09:56, Aktualitet CNA
Vrasja e 14-vjeçarit/ Presidenti i FSHF-së, Duka i tronditur,
Armando Duka

Presidenti i FSHF-së Armando Duka ka përcjellë ngushëllimet për familjen e 14-vjeçarit M.C i cili humbi jetën një ditë më parë pasi u godit me thikë nga bashkëmoshatari i tij pranë shkollës “Fan Noli”.

Përmes një mesazhi në rrjetet sociale, Duka shprehet se është i tronditur nga kjo ngjarja dhe nuk gjen dot fjalët për të ngushëlluar familjen e të miturit, ëndrra e të cilit u ndërpre në mes.

Pas ngjarjes tronditëse, Presidenti i FSHF-së ka dhënë mesazhin e fortë se të gjithë së bashku duke nisur nga shoqëria, familja duhet angazhim maksimal për të punuar sa më shumë me fëmijët.

“Miqtë e mi!

Nuk do doja e nuk do dëshiroja kurrë më që të ndaja me ju mesazhe të tilla!

Aq më teper sot, për humbjen e tmerrshme të Martinit 14-vjeçar, i cili prej vitesh kishte zgjedhur si shumë shokë të tij të ndiqte pasionin për futbollin. Fatkeqësisht kjo ëndërr iu ndërpre padrejtesisht në mes.

Sinqerisht dhe tejet i tronditur, nuk gjej fjalë në këto momente për të ngushëlluar familjen dhe prindërit e djaloshit të vogël, futbollistit të ekipit U-15 të Dinamo City, Martin Cani!

Në emrin tim personal, të familjes time, si dhe në emër të komunitetit tonë të madh të futbollit, thellësisht i trishtuar nga ç'ka ndodhi e ç'ka mësuam, do të doja t'i qëndronim sadopak afër dhimbjes së madhe të prindërve, duke u përcjellë ngushëllimet tona!

Zoti i dhëntë sa më shumë forcë për ta përballuar këtë këputje shpirti!

Një kampion i vogël tashmë do ta ndjekë nga lart pasionin e tij, ekipin e tij dhe shokët e tij!

Ndërkohë ne si komunitet futbolli, si shoqëri, e si prindër na shtyn akoma më shumë obligimi dhe angazhimi maksimal për të qëndruar e punuar sa më shumë me fëmijët e dashur në pasionet dhe ëndrrat e tyre.

Pusho i qetë Martin!

Shokët dhe futbolli nuk do të të harrojnë kurrë!”, shkruan Duka./ CNA





Lajmet e fundit nga