web counter
LEXO PA REKLAMA!

SHKARKO APP

App Store
Google Play

E fundit!

x

Iku dhe Fatmir Xhafaj

28 Nëntor 2024, 12:57, Politikë CNA

Iku dhe Fatmir Xhafaj

Dje, mediat, njerëzit e interesuar të politikës panë një show nga kryeministri Edi Rama, në një komision të posaçëm parlamentar që në fund u kthye një flluskë sapuni, në një komision që Rama e trumbetoi si çelësin e reformave për të ecur përpara drejt BE me enveristin e fundit, Fatmir Xhafajn që do të na çonte në Europë.

Pra, del një enverist pas 35 vjetësh dhe do ta çojë Shqipërinë në Europë me reformat që kërkon kryeministri ynë.

Në fakt kryeministri ka të drejtë të krijojë komisione, të zhvillojë ide. Dje i shkoi dhe Fatmir Xhafajt në komision. E ngriti në piedestal, tha se do ta kthejë në një instrument të përhershëm parlamentar.

Në fakt nuk dihet se po u kthye komisioni i përhershëm a do jetë apo s’do jetë Xhafaj aty se, mund të mos jetë më as deputet, se me gjithë ato lavdet që i thuri Edi Rama dje, Fatmir Xhafaj duket sikur ka ikur.

Këdo që ka lavdëruar kryeministri ynë dhe e ka ngritur në piedestal aq shumë sa ngriti Xhafajn dje ka marrë rrugën herët a vonë.

Tani ka ndonjë informacion kryeministri ynë për ndonjë hetim pasuror si subjekt i ligjit antimafia për Fatmir Xhafajn, a di ndonjë gjë më shumë këtë nuk e dimë por fakti që e ngriti në piedestal dje flet shumë.

Fatmir Xhafaj tashmë ka ikur./ CNA

 





Lajmet e fundit nga