E fundit!

09:23 Aktualitet

Shqipëria avancon në negociatat me BE-në, sot hap i ri drejt integrimit europian

Shqipëria shënon një tjetër moment të rëndësishëm në rrugë...

Metamorfoza e pagëlltitur e Fatmir Xhafajt

15 Shtator 2024, 12:12, Politikë CNA

Metamorfoza e pagëlltitur e Fatmir Xhafajt

Fatmir Xhafaj, burimi LSA

Fatmir Xhafaj ka shkuar në studion e këshilltarit të tij mediatik, duke broçkullisur në ekranin e “A2 CNN” sukseset e komisionit të tij dhe gëlltitjen që duhet të bëjnë kritikët ndaj Xhafajt si udhëheqës i një komisioni monopartiak të drejtuar nga enveristi i fundit.

Fatmir Xhafaj pranon atë që CNA ka raportuar, se gjithçka ka lindur menjëherë pas hetimeve intensive në Bashkinë e Tiranës dhe thekson se ideja starton në tetor të 2023-shit, kohë kur SPAK-u përgatiste prangat për Taulant Tushën dhe disa muaj më pas do të çonte në burg të gjithë strukturën komanduese të Tiranës. (Lexo këtu)

Fatmir Xhafaj

Siç CNA ka raportuar, Xhafaj thekson se fillimisht ideja e komisionit ka marrë edhe mbështetjen e ndërkombëtareve, por nuk tregon të vërtetën, sepse tjetër u është thënë ndërkombëtarëve dhe tjetër ka bërë Fatmir Xhafaj, i cili në emër të Erion Veliajt dhe në emër të Edi Ramës, në tryezat urbane të Tiranës ka kërcënuar SPAK-un, prokurorët dhe gjyqtarët në lidhje me hetimet për Veliajn dhe ministrat e Ramës.

Erion Veliaj dhe Fatmir Xhafaj

Një komision që pretendohet se do të bëjë një reformë të madhe, ndërkohë që përfshirë dhe Fatmir Xhafajn, të gjithë anëtarët e këtij komisioni pas më shumë 6 muajsh kur u mbaron mandati si deputet, një komision që nuk ka pjesëmarrjen e opozitës. (Lexo këtu)

Si mund të drejtohet rruga drejt BE-së, i vetëm apo duke përdorur foton më poshtë?

Enver Hoxha dhe Fatmir Xhafaj

Xhafaj pyet se si mund të heqë një komision pavarësinë e drejtësisë. Përgjigjja është shumë e thjeshtë, me ndryshimet ligjore, sipas hapësirave që të jep Kushtetuta. Shumica e ka mundësinë për të ndryshuar ligje, akte, deri te fakti i moszgjatjes së mandateve të anëtarëve të SPAK-ut, duke përçuar një mesazh kriminal, ju jeni të përkohshëm. (Lexo këtu)

Xhafaj bën rolin e kamikazit politik apo shejtan-budallait, duke thënë se për të penguar drejtësinë duhen 94 mandate, pra duhet reformë kushtetuese, po a nuk na tha kryeministri Edi Rama së fundmi se opozita nuk do të marrë më shumë mandate se në ‘97-ën? Nuk na tha Edi Rama se mazhoranca mund të marrë më shumë se 100 mandate? (Lexo këtu)

Fatmir Xhafaj dhe Edi Rama

Fatmir Xhafaj njihet si një dhelpër politike, që përdor stofin e të ndershmit. Duart e tij nuk janë të pastra, megjithëse kërkon të bëjë rolin e shejtan-budallait, por këto nuk shkojnë bashkë.

Fatmir Xhafaj ka muaj që gëlltitet, duke mbajtur në gojë karremin e Erion Veliajt me qëllim goditjen e SPAK-ut. Në fakt, ai e di mirë se ku do të përfundojë Erion Veliaj dhe çfarë po kërkon vetë për të negociuar me strukturat e drejtësisë së re, duke i “kërcënuar” me veprimet e tij në një komision që nga njëra anë e quan të rëndësishëm dhe thotë se do të ketë sukses, dhe nga ana tjetër deklaron se ky komision nuk ka çfarë të bëjë se PS nuk ka 94 mandate, pra mazhorancë kushtetuese. (Lexo këtu)

Erion Veliaj dhe Fatmir Xhafaj

Qartazi, njeriu që zhvilloi një Reformë në Drejtësi të deformuar dhe të kapur në shumë segmente të saj, kërkon të kapë dhe atë që ka ngelur vetëm se kur del dhe flet vetë, më shumë se i besueshëm vërteton edhe njëherë faktin se qëllimi i tij dhe i komisionit që drejton nuk është integrimi në BE, por presioni dhe kërcënimi i segmenteve të pavarura të strukturave të reja të drejtësisë./ CNA