web counter
LEXO PA REKLAMA!

SHKARKO APP

App Store
Google Play

E fundit!

x

Opozita nuk ia “fishkëllen” enveristit të fundit/ Mospërfillje për Komisionin “Xhafaj”

19 Korrik 2024, 11:36, Aktualitet CNA
Opozita nuk ia “fishkëllen” enveristit të fundit/
Fatmir Xhafaj

Fatmir Xhafaj, enveristi i fundit, është braktisur sërish nga opozita.

Në mbledhjen e sotme të Komisionit që do të thërrasë në Apel institucionet e drejtësisë, opozita nuk ka pasur asnjë përfaqësues.

Xhafaj, njeriu që po synon të pengojë punën e SPAK-ut, tha se sot kanë hyrë në fazën e parë të objektit të punës që është përgatitja e analizës.

Enveristi i fundit po përpiqet të shpjegojë analizën se si do të ndërhyjë në punët e institucioneve të pavarura por edhe këtë herë ka marrë si përgjigje mospërfilljen nga opozita.

"Rezoluta dhe vendimi i Kuvendit kanë përcaktuar qartë qëllimin dhe objektin e punës sonë që lidhen me nevojën për të bërë një analizë përmes një dokumenti analitik. Për të hartuar një plan kombëtar veprimi në tri shtyllat në të cilat fokusohet Komisioni dhe së treti për propozimet për masat ligjore dhe ndryshimet institucionale të mundshme. Vendimmarrja e sotme lidhet pikërisht me dokumentin analitik.

Gjatë kësaj periudhe njëmujore që nga ngritja e Komisionit të Posaçëm parlamentar, ne kemi punuar fort së bashku me stafin e Kuvendit dhe sekretariatit teknik për të përgatitur gjithë procesin me masat organizative të nevojshme dhe sot jemi duke hedhur hapin e parë të rëndësishëm, fillimin fazës së parë të objektit të punës sonë, përgatitjen e analizës. Për ta orientuar sa më drejtë hartimin e kësaj analize është përgatitur një koncept-ide në lidhje me strukturën, lëndën orientuese, përmbajtjen që duhet të kishte ky dokument analitik.

Ky është një projekt orientues, pasi në zhvillim dokumenti do të shikohet nga grupi i ekspertëve dhe janë ekspertët që do të përzgjidhen në bazë të propozimeve që kanë ardhur nga bota akademike do t’i japin formën e duhur dhe përmbajtjen këtij dokumenti analitik. Do të udhëhiqet nga 3 parime të rëndësishme, gjithëpërfshirja është parimi themelor që do të ndërtohet ky proces. Parimi i dytë i rëndësishëm do të jetë transparenca. Synojmë që procesi të jetë sa më i hapur e transparent për grupet e interesuara.

Parimi i tretë i rëndësishëm që duhet të përshkojë këtë proces është profesionalizmi. Do të mundësohet nga ekspertët e nivelit të lartë. Ky proces është duke u finalizuar, kanë ardhur të gjitha propozimet e nevojshme dhe shumë shpejt do të miratojmë përbërjen dhe organizmin e grupit të ekspertëve dhe sekretariatit teknik.

I gjithë procesi dhe produktet e dala prej tij duhet të jenë në përputhje me standardet më të mira në këto fusha. Sot do të duhet të përcaktojmë edhe metodologjinë. Ky dokument që do të prezantojmë është një draft, një koncept-ide për tri shtylla, do të punohet nga ekspertët e tri nëngrupeve sipas tri shtyllave", deklaroi Xhafaj në Komision./ CNA





Lajmet e fundit nga