web counter
LEXO PA REKLAMA!

SHKARKO APP

App Store
Google Play

Zjarret në vend/ Mesazhi i Peleshit për qytetarët: Shmangni çdo pakujdesi

19 Korrik 2024, 10:29, Aktualitet CNA

Zjarret në vend/ Mesazhi i Peleshit për qytetarët: Shmangni

Ministri i Mbrojtjes, Niko Peleshi, ka shprehur mirënjohjen për Forcat e Armatosura dhe strukturat e angazhuara për shuarjen e zjarreve në vend, për sakrificën dhe punën që po kryejnë në terren.

Ministri Peleshi u është drejtuar qytetarëve me mesazhin që të shmangin çdo pakujdesi dhe të reagojnë menjëherë duke raportuar te zjarrfikëset për të parandaluar pasojat e mëdha.

Peleshi thekson se kujdesi ndaj zjarreve është prioritet i Ministrisë së Mbrojtjes.

“Në këto ditë të nxehta dhe të vështira, mirënjohje dhe respekt maksimal për të gjithë efektivët e Forcave të Armatosura dhe strukturat e angazhuara që po sakrifikojnë dhe punojnë pa pushim duke luftuar me vatrat e zjarreve në zona të ndryshme të vendit në mbrojtje të jetës së qytetarëve, pronës dhe natyrës sonë.

Përkushtimi dhe heroizmi i secilit prej tyre është i pamatshëm dhe jetik për parandalimin e katastrofave.

Kujdesi ndaj zjarreve është përparësi e jona e përbashkët! Të gjithë qytetarët duhet të shmangin çdo pakujdesi që mund të sjellë rrezik për veten dhe të tjerët dhe të reagojnë menjëherë, duke kontaktuar strukturat zjarrfikëse, për të parandaluar kështu pasojat”, shkruan Peleshi./ CNA





Lajmet e fundit nga