Si gënjeu Fatmir Xhafaj për mandatin e deputetit

10 Tetor 2024, 14:19, Politikë CNA

Fatmir Xhafaj sfidoi dje publikisht se në rast se do të gjendej ndonjë provë e vetme se Bashkia e Tiranës apo punonjës të saj kanë mbledhur vota për të do të linte mandatin e deputetit.

“Unë të sfidoj që nëse del një punonjës bashkie jashtë zonës sime elektorale që të ketë punuar dhe të ketë pasur porosi që të mbledhë vota për Fatmir Xhafajn unë e dorëzoj mandatin tim. Nëse më provon dikush që bashkia ka qenë e organizuar për të më dhënë vota mua, Erion Veliaj dhe stafi i tij kanë punuar për votat e mia unë e dorëzoj mandatin”, deklaroi Xhafaj.

Fatmir Xhafaj

E sfidojmë publikisht të shkojë të dorëzojë mandatin Fatmir Xhafaj sepse ka gënjyer publikisht.

Po, Taulant Tusha ka mbledhur vota për Fatmir Xhafajn!

Po, Redi Molla ka mbledhur vota për Fatmir Xhafajn!

Po, Elton Kacidhja ka mbledhur vota për Fatmir Xhafajn!

Fatmir Xhafaj dhe Elton Kacidhja

Po, Mariglen Qato ka mbledhur vota për Fatmir Xhafajn!

E gjithë Bashkia e Tiranës ishte organizuar në 2021-shin për të mbledhur vota për Fatmir Xhafajn!

Nëse Fatmir Xhafaj këto nuk i beson dhe nuk i duken prova atëherë ne i rikujtojmë, shikojeni në këto foto Taulant Tushen, shikojini në fotot e tjera drejtorët e Bashkisë së Tiranës, janë në fushatën e Partisë Socialiste të Tiranës.

Taulant Tusha në fushatë elektorale

Erion Veliaj dhe Redi Molla në fushatë

Dhe siç vetë Fatmir Xhafaj deklaroi në emision, ishin ata që mblidhnin votat, nuk i mblidhte Erion Veliaj.

Elton Kacidhja në fushatë

Patjetër, Fatmir Xhafaj është deputeti i dosjes “5D”, është njeriu që u bëri avokatinë në Parlament drejtorëve hajdutë të Erion Veliajt dhe kjo për shpërblim. (Lexo këtu)

Ishin ata drejtorët, të cilët urdhëruan vartësit e tyre të mblidhnin vota për Fatmir Xhafajn, ky është fakt i padiskutueshëm, Fatmir Xhafaj e di shumë mirë këtë.

Ai ndoshta tani do ta mohojë Erion Veliajn, do ta mohojë Bashkinë e Tiranës, mbështetjen që i dhanë për ta bërë deputet sepse e di shumë mirë se radhën tjetër mund të mos jetë më në atë post në rast se bashkëpunon me Erion Veliajn.

Erion Veliaj dhe Fatmir Xhafaj

Ky është pazari i tij me Ramën, shitja e Erion Veliajt, avash-avash çuarja e tij para drejtësisë. Por Fatmir Xhafaj nuk mund të vazhdojë të gënjejë publikisht dhe të justifikohet apo të qajë studiove.

Fatmir Xhafaj është deputeti i dosjes “5D”, është deputeti i Erion Veliajt. Fatmir Xhafajn e kanë bërë deputet drejtorët e Erion Veliajt, të cilët qenë drejtues të PS-së në kryeqytet, që mbulonin zona të caktuara të mirorganizuara, pavarësisht mbështetjes apo ndarjes së zonave elektorale që kishte çdo kandidat i PS-së me emra të ndryshëm që ishin shpërndarë dhe vendosur në zona të ndryshme. (Lexo këtu)

Fatmir Xhafaj dhe Erion Veliaj

Fatmir Xhafaj nuk ka lëvizur vetëm në zonën e tij elektorale siç pretendon. Drejtuesit e bashkisë, drejtorët e saj kanë dhënë orientim në shumë zona për të votuar Fatmir Xhafajn.

PO ERION VELIAJ SHPESH KA DEKLARUAR SE DUHET VOTUAR XHAFA NË VITIN 2021, këtë e di çdo punonjës i bashkisë dhe drejtues i PS në Tiranë. E di dhe Edi Rama dhe gjithë deputetët.

Sa për peshën elektorale, bën mirë të votohet ndonjëherë në PS se e shikon Fatmir Xhafaj sa mbështetje ka. Pesha e tij elektorale është një hiç pa votat që i dha Bashkia e Tiranës, pasi ai nuk votohet më në Partinë Socialiste dhe jo më në Tiranë.

Dhe e vërteta është se në Partinë Socialiste nuk është votuar dhe nuk ka fituar kurrë./ CNA