web counter
LEXO PA REKLAMA!

SHKARKO APP

App Store
Google Play

Tensionet në komision/ Bardhi justifikon aktin skandaloz të Mziut

9 Tetor 2024, 15:49, Politikë CNA
Tensionet në komision/ Bardhi justifikon aktin skandaloz të Mziut
Gazment Bardhi

Kreu i Grupit Parlamentar të PD-së, Gazment Bardhi, ka justifikuar gjestin e deputetit Xhelal Mziu.

Bardhi ka reaguar pas deklaratës së kreut të grupit të PS-së, Niko Peleshi, i cili e konsideroi si tejkalim të çdo kufiri veprimin ndaj Milva Ekonomit nga Xhelal Mziu dhe Ina Zhupa.

Sipas Bardhit, aktet e dhunës janë i vetmi mjet që i kanë mbetur opozitës.

“Urdhërojnë Gardën të dhunojnë opozitën dhe keqpërdorin deputetet e PS për të provokuar kolegët e tyre që janë në të drejtën e vet për tu mos u penguar pa ligj të ushtrojnë mandatin që i kanë dhënë qytetarët, dhe më pas thonë se duhet dialog.

Me dhunuesit nuk mund të ketë dialog, me antiligjin nuk mund të bisedosh, me provokuesit nuk mund të arsyetosh. Rezistenca dhe mosnënshtrimi janë i vetmi mjet që u ka mbetur deputetëve të opozitës.

Apeloj çdo koleg të mazhorancës që privatisht e cilëson Edi Ramën si Saddam Hussein-i shqiptar, që të mos keqpërdoret kundër deputetëve të opozitës dhe të mos u nënshtrohen metodave autoritare të Edi Ramës kundër opozitës. Në të kundërt, shumë shpejt do jetë radha e tyre të jenë viktima të Saddam Hussein-it shqiptar, Edi Ramës. Prej kohësh Edi Rama dhe metodat e tij antidemokratike kundër qytetarëve dhe opozitës janë shndërruar në një rrezik kombetar”, thekson Bardhi./ CNA





Lajmet e fundit nga