web counter
LEXO PA REKLAMA!

SHKARKO APP

App Store
Google Play

“Bizneset të ulin qepenat”/ Çfarë paralajmëron Paloka për protestën e ardhshme

9 Tetor 2024, 11:41, Politikë CNA
“Bizneset të ulin qepenat”/ Çfarë paralajmëron
Kreu i Këshillit Kombëtar të PD-së, Edi Paloka

Kreu i Këshillit Kombëtar të PD-së, Edi Paloka, ka bërë një paralajmërim për bizneset, teksa ka folur për aksionin e opozitës.

Paloka tha se në protestën e 7 tetorit, anëtarët e PD-së e patën shumë të vështirë të ndalonin të rinjtë nga përshkallëzimi.

Në emisionin e Flavio Qarrit, ai tha se të rinjtë udhëhiqen nga adrenalina dhe në protestën e ardhshme mund të thyejnë edhe lokalet.

Për këtë arsye, ai u kërkoi bizneseve që të marrin masat dhe të mbyllen në raste protestash.

“Adrenalina është në maksimum. Aty një pjesë janë të rinj, janë adoleshentë. Jemi përpjekur dhe i kemi ndalur në disa raste që të mos ndërhyjnë nëpër lokale. Që mjafton vetëm një molotov tek ai lokali dhe pastaj lokalin ta gëzosh. Unë nëse do të ketë një protestë të ngjashme do i këshilloja miqësisht, këta të lokaleve të gjithë, por edhe njerëzit që nuk duan të jenë në protestë. Në qoftë se duan ta shohin nga televizori bëjnë mirë të paktën ta shohin nga shtëpia në televizor. Kurse këta të lokaleve, unë personalisht nuk kam ndërmend të vrapoj më dhe të mbaj të rinjtë që mund të duan të reagojnë. Kështu që nëse do ketë protestë tjetër të bëjnë kujdes për pronën e tyre. T’i ulin ato qepena se në fakt Rama nuk është duke më vjedhur vetëm mua, por është duke i vjedhur edhe ata. Dhe ne nuk po protestojmë vetëm për vete, por po protestojmë edhe për ata...”, theksoi kreu i Këshillit Kombëtar të PD-së./ CNA





Lajmet e fundit nga