web counter
LEXO PA REKLAMA!

SHKARKO APP

App Store
Google Play

E fundit!

x

“60% e deputetëve të PS-së nuk e duan Ramën”/ Korreshi: Ata ishin të parët që ishin tifozë për ne dje

8 Tetor 2024, 18:14, Politikë CNA
“60% e deputetëve të PS-së nuk e duan Ramën”/
Deputeti i PD-se Saimir Korreshi

Protestat e zhvilluara nga PD por edhe veprimet kundërshtuese të deputetëve të kësaj force politike ndaj qeverisë mbështeten nga rreth 60% e grupit parlamentar të PS. Deklarata është bërë nga deputeti i PD-së, Saimir Korreshi në një intervistë për CNA TV.

Sipas Korreshit edhe pse nuk duan PD-në, deputetët e PS-ës e mbështesin aksionin opozitar pasi nuk duan Ramën dhe vetë brenda tyre nuk e “rrëzojnë” dot.

"Ata janë të parët që duan atë që ndodhi dje nga PD-ja dhe mund të them që janë mbi 60% e atyre që rrinë enigmë ose e atyre që nuk pret Rama. Një ish-drejtues i lartë i PS-ës e ka pasur këtë mendim që para dy vjetësh. Thoshte, dobësia juaj po na shkatërron edhe neve se ai nuk as nevojë për ne. Edhe pse ata e kanë “kryp djathin”, realisht nuk është se duan PD-në, por duan të rrëzojnë Ramën se edhe ata vetë brenda llojit nuk rrëzojnë dot. Ata patjetër që kanë frikë. I mban ajo, ndoshta gishti i ngjyer në tortë se po e ngjyen ndoshta marrin ndonjë kokërr leku, po vjedhin gjëkundi me ndonjë drejtori, apo edhe për interesin e tyre në biznes. Besomëni që 60% e tyre nuk e duan Ramën. Nuk e duan njëri-tjetrin dhe flasin me një mllef të jashtëzakonshëm. Shumë nga ministrat e qeverisë nuk u hapin as telefonin. Pra, janë më në hall deputetët e PS-ës. Ata ishin të parët që ishin tifozë për ne dje", tha Korreshi për CNA

Korreshi ndër të tjera në intervistën për CNA TV, e ka cilësuar protestën e 7 tetorit si përçuese të mesazhit te qeveria dhe te ndërkombëtarët se shqiptarët janë kundër qeverisë Rama./ CNA





Lajmet e fundit nga