web counter
LEXO PA REKLAMA!

SHKARKO APP

App Store
Google Play

E fundit!

x

“Protesta e dha mesazhin”/ Korreshi për CNA TV: Nuk është aq trim, Rama i trembet lajmeve

8 Tetor 2024, 18:06, Politikë CNA
“Protesta e dha mesazhin”/ Korreshi për CNA TV: Nuk
Saimir Korreshi, deputeti i PD-së

Partia Demokratike zhvilloi më 7 tetor protestën kundër qeverisë Rama ku kërkoi nga pjesëmarrësit, mosbindje civile. Për 3 orë u marshua në disa rrugë të Tiranës e gjithashtu u regjistruan përplasje me policinë. Në një intervistë për CNA TV, deputeti i PD Saimir Korreshi e cilësoi protestën e së hënës si pozitive dhe se ishte treguese e pakënaqësisë së shqiptarëve ndaj qeverisë

"Ata që kanë dashur të tregojnë mllefin e tyre për këto 12 vite keqqeverisje, patën mundësinë e asaj që kërkonin prej kohësh dhe e bën. PD-ja ishte aty edhe në mënyrë që protesta të mos skalonte te bizneset dhe segmentet private apo edhe te kalimtarët në rrugë.  Nuk është çështje numrash se sa çështje mllefi. Mosbindja civile bëhet edhe me forma të tjera. Duk mos u bindur urdhërave, të mos paguash taksat, apo mos paguash hajdutërinë që na ndhodh te ujësjellësi me lali Erin e me të gjithë këto me rradhë. Mendoj që mesazhi u dha. Për fat të keq, të gjithë shqiptarët do të duhet të protestojnë në të tilla forma. Protesta ishte edhe një fromë për t’u treguar ndërkombëtarëve se nuk i dinë të gjitha se çfarë ndodh", tha Korreshi. 

Për Korreshin qeveria teknike duhet të futet në Kushtetutë.

"Ne kërkojmë një qeveri teknike tre mujorshe. Unë do të kërkoja të ishte edhe në Kushtetutë siç e ka Maqedonia e Veriut. Ka një zgjidhje, që i ka dhënë shteti fqinj pas këtyre problematikave për vjedhjen e votës dhe zgjedhjeve. Ne kërkojmë që qeveria teknike, përveçse të shtyj qerren në tre muajt e mbetur të mandatit, të jetë garante për zgjedhje pa presion politik", tha deputeti.

I pyetur lidhur me mungesën e reagimit të mazhorancës ndaj protestës së 7 tetorit, Korreshi u shpreh se Kryeministri Rama nuk është aq trim sa duket dhe se u trembet lajmeve.

"Shoku Rama nuk është aq trim sa pretendon apo sa duket. Pavarësisht se mund ta ketë krehur mjekrën mirë, mendoj se ësht ënjë frikacak i rëndomtë i cili lajmeve i trembet shumë. Pavarësisht se protesta nuk ishte luftë, apo grusht shteti për të marrë qeverinë. Rama më tepër se molotovët, shashkat apo kapsollat, ka frikë lajmet që transmetohen nga, siç ishte dje “Washington Post” ku titull kryesor në kohën kur zhvillohej protesta ishte opozita kërkon qeveri teknike dhe proteston në rrugët e Tiranës". deklaroi Korreshi.

7 tetorit sipas PD ishte vetëm nisja e mobindjes civile dhe protestat do të zhvillohen në forma të ndryshme dhe në disa qytete të Shqipërisë./ CNA





Lajmet e fundit nga