web counter
LEXO PA REKLAMA!

SHKARKO APP

App Store
Google Play

E fundit!

x

Mesazhet kërcënuese ndaj Bardhit/ Reagon SPAK-u: Bisedat në "SKY ECC", të manipuluara

9 Tetor 2024, 13:16, Politikë CNA
Mesazhet kërcënuese ndaj Bardhit/ Reagon SPAK-u: Bisedat në
Kreu i Grupit Parlamentar të PD-së, Gazment Bardhi

SPAK-u ka reaguar në lidhje me kallëzimin e kreut të Grupit Parlamentar të PD-së, Gazment Bardhi, për mesazhe kërcënuese.

Në mesazhet kërcënuese paraqiteshin biseda në aplikacionin "SKY ECC" ndërmjet Erigers Mihasit dhe Ervis Martinajt, ku pretendohej se kishin financuar Bardhin me 100 mijë euro për fushatë elektorale.

SPAK-u ka deklaruar këtë të mërkurë se këto biseda mes Mihasit dhe Martinajt janë të manipuluara.

Prokuroria e Posaçme është shprehur se po monitoron nga afër këtë situatë dhe ka nisur verifikimet për të identifikuar burimet e këtyre mesazheve.

"Në përgjigje të interesimit të shtuar të mediave informojmë publikun se Prokuroria e Posaçme kundër Korrupsionit dhe Krimit të Organizuar është vënë në dijeni për disa mesazhe që i kanë mbërritur politikanëve dhe figurave publike gjatë ditëve të fundit përmes aplikacionit të koduar të komunikimit, Signal. 

Nga verifikimet e deritanishme të Prokurorisë së Posaçme, mesazhet e pretenduara se rrjedhin nga transkripte bisedash të kryera nëpërmjet SKY/ECC janë manipuluar duke sajuar biseda të pavërteta për individë dhe veprime të kundërligjshme.

Prokuroria e Posaçme, po monitoron nga afër këtë situatë dhe ka nisur verifikimet për të identifikuar burimet e këtyre mesazheve me qëllim ndjekjen penale të autorëve.

I bëjmë thirrje të gjithë qytetarëve dhe aktorëve publikë të tregojnë kujdes kur ndërveprojnë me mesazhe të kësaj natyre, si dhe të shmangin shpërndarjen e materialeve të paverifikuara", ka theksuar Prokuroria e Posaçme./ CNA





Lajmet e fundit nga