web counter
LEXO PA REKLAMA!

SHKARKO APP

App Store
Google Play

Vokshi për skenaret e PS-së/ “Duan përjashtimin e opozitës”

9 Tetor 2024, 18:52, Politikë CNA
Vokshi për skenaret e PS-së/ “Duan përjashtimin e
Deputetja e PD-së, Albana Vokshi

Deputetja e PD-së, Albana Vokshi ka folur për tensionet në komisionin hetimor të Shëndetësisë.

Në një intervistë me gazetaren Sonila Meço ka deklaruar se skenari i mazhorancës është që të përjashtojnë opozitën.

Ndër të tjera Vokshi ka hedhur akuza të forta ndaj Plarent Ndreca, deputeti i PS-së.

"Garda kishte dalë të na pengonte, ishte një skenar që do ta kishte zili dhe sigurimi i shtetit. Plarent Ndreca nisi mbledhjen e komisionit në kundërshtim me ligjin dhe kishte marrë në pyetje dëshmitarin kur prezent nuk ishte kryetarja e komisionit.

Ata nuk e duan opozitën por krijojnë skenar që opozita të mos marrë pjesë në komisione, ne e kemi bërë të qartë që nuk do ta bojkotojmë komisionin pasi e kemi kërkuar me insistim këtë komision. Ata e bëjnë të qëllimshme për të pamundësuar prezencën tonë në komisionin hetimor.

Ndreca është një nga ushtarët e Edi Rama e ka kapur prej fyti dhe ka firmosur për afera korruptive në të gjitha postet drejtuese që ai ka marrë pjesë. Ka tre raporte të KLSH që e kanë kapur në abuzim dhe shpërdorim të detyrës dhe kanë kërkuar që ai mos të jetë më pjesë e administratës publike.

Pra ju a mendoni nëse një hajdut do të hetojë një hajdut tjetër që është i kahut të tij, kjo nuk ndodh. Ai është në konflikt se ka qenë avokat i koncesioneve dhe janë me akuzë nga SPAK. Po edhe Milva Ikonomi kanë firmosur për këtë koncesione dhe janë në konflikt interesi", tha Vokshi./ CNA





Lajmet e fundit nga