web counter
LEXO PA REKLAMA!

SHKARKO APP

App Store
Google Play

E fundit!

x

Deputeti i PS-së, drejt arrestit?!

10 Tetor 2024, 09:52, Politikë CNA
Deputeti i PS-së, drejt arrestit?!
Jurgis Çyrbja

Mëngjesin e kësaj të enjteje u njoftua dorëheqja e deputetit të Partisë Socialiste, Jurgis Çyrbja.

Dorëheqja e tij erdhi menjëherë pas paraqitjes në Prokurorinë e Posaçme dhe marrjes në pyetje për rreth 5 orë.

Kjo lëvizje e tij vetëm dy ditë pas vajtjes në SPAK ngre aludime nëse deputeti i PS-së do të shkojë drejt arrestit.

Ai po përballet me drejtësinë pas kallëzimit të deputetit Edi Paloka në vitin 2021. Ky i fundit e akuzon Çyrbjën se ka shpërdoruar detyrën gjatë kohës që ka qenë drejtor i Hipotekës së Durrësit.

Sipas Palokës, socialisti ka firmosur brenda së njëjtës ditë dy praktika për të njëjtën pronë, në dy emra të ndryshëm, duke realizuar kështu mbivendosje prone.

Çyrbja deklaroi dy ditë më parë se nuk ishte marrë i pandehur, por nuk pranoi të flasë për akuzat e ngritura ndaj tij dhe për marrjen në pyetje.

Deputeti i PS-së, drejt arrestit?!
Jurgis Çyrbja

Sa i përket dorëheqjes, socialisti ka pretenduar se shkak janë arsyet shëndetësore, por ai është person nën hetim.

Dy ditë më parë i është komunikuar akuza dhe hetimet që po kryhen ndaj tij, prandaj kjo është edhe arsyeja e vërtetë pse ka dhënë dorëheqjen.

Në përfundim të hetimeve, Çyrbja pritet të shkojë para gjykatës për të gjitha veprat penale që akuzohet.

Duke parë rrethanat se mund të dënohet, ka dhënë dorëheqjen si deputet i PS-së, kjo dyshohet e kërkuar nga kryeministri Edi Rama./ CNA





Lajmet e fundit nga