A e sulmoi Fatmir Xhafaj Ramën për llogari të Veliajt në “Der Spiegel”?

16 Shtator 2024, 18:39, Aktualitet CNA

A e sulmoi Fatmir Xhafaj Ramën për llogari të Veliajt në

Fotomontazh - Erion Veliaj, Edi Rama dhe Fatmir Xhafaj

3 ditë më parë, media gjermane “Der Spiegel” publikoi një analizë për kryeministrin Edi Rama, ku mes të tjerash, një ish-anëtar i kabinetit të tij denonconte lidhjet e qeverisë me bandat dhe mafien ndërkombëtare. (Lexo këtu)

Për këtë artikull të gazetarit gjerman Walter Mayer, ka reaguar këtë të hënë gazetari Elvi Fundo, i cili ka ngritur dyshime të forta.

Fundo ka ngritur aludime se ish-anëtari i kabitetit të Ramës që ka ngritur këto akuza mund të jetë Fatmir Xhafaj.

Ai ka deklaruar në rrjetet sociale se artikulimi në artikull është i njëjtë me atë të Xhafajt, për të cilin thotë se sulmin mund të ketë kryer për llogari të Erion Veliajt.

Fatmir Xhafaj dhe Erion Veliaj

Gazetari ka publikuar edhe një foto me Walter Mayer, ndërsa ka theksuar se ky i fundit ka zhvilluar disa takime me politikanë.

Deklarata e plotë:

A e sulmoi Fatmir Xhafaj kryeministin Rama për llogari të Erion Veliajt në “Der Spiegel”?

Kjo foto është publikuar në 22 korrik.

Me Walter Mayer gazetarin e “Der Spiegel” që së fundi erdhi në Shqipëri me një artikull të fortë kundër kryeministrit Rama. Ai takoi disa politikanë, por edhe shumë shumë pak gazetarë.

Gazetarët Walter Mayer dhe Elvi Fundo

Shumë dëgjova e diskutova me Mayer që e njihte Shqipërinë më mirë se ne.

Në artikullin e tij, më përtej gjërave që shpesh i themi edhe ne çdo ditë, kishte dy paragrafe mjaft të rëndësishme.

Paragrafi i parë:

Sa më popullor bëhet jashtë vendit (Rama), aq më shumë rritet zemërimi në mjedisin përreth tij. Ata në rrethin e brendshëm, që dinë shumë dhe do të rrezikonin shumë, flasin vetëm me garancinë e anonimatit.

Paragrafi i dytë:

“Shkrirja e interesave politike dhe mediatike me ato të kriminelëve dhe oligarkëve” – kështu funksionon sistemi Rama, thotë një ish-pjesëtar i qeverisë që këmbëngul të mbetet anonim: “Të gjitha këto po ndodhin me bekimin e BE-së dhe SHBA-së. Nuk ka asnjë tender publik që të mos përfundojë në rrethin e tij të zgjeruar. Në thelb, Rama e çoi të gjithë vendin në krim. Shqipëria është tani një rast studimor për korrupsionin, e megjithatë Rama i zgjuar arrin të gjejë njohje në Perëndim.

Kryeministri Edi Rama

Këto dy paragrafe flasin shumë. Sidomos kur dalin nga brenda llojit, nga një gjuhë politike që synon goditjen e kryeministrit për interesat e dikujt që e ka lakun në fyt.

Ky është Erion Veliaj dhe këtë lloj artikulimi e gjen shpesh te gjuha konfidenciale e Fatmir Xhafajt.

Gazetarët se tregojnë burimin, por ky është rasti kur burimi bën Muuu./ CNA