web counter
LEXO PA REKLAMA!

SHKARKO APP

App Store
Google Play

E fundit!

x

Drejtori i policisë/ Zbulohet emri më i ri si kandidat

16 Shtator 2024, 15:26, Aktualitet CNA
Drejtori i policisë/ Zbulohet emri më i ri si kandidat
Drejtoria e Përgjithshme e Policisë së Shtetit

Disa ditë më parë u hap zyrtarisht gara për regjistrimin e kandidatëve për postin e drejtorit të Përgjithshëm të Policisë së Shtetit.

Mësohet se një tjetër emër që do të kandidojë është Shemsi Prençi.

Ka qenë vetë Prençi ai që ka konfirmuar këtë lajm, teksa ka bërë me dije se ka dërguar aplikimin dhe dokumentet e nevojshme me postë.

Për postin e drejtorit të Përgjithshëm të Policisë së Shtetit janë përfolur si kandidatë edhe drejtuesi aktual i Qarkut Elbasan, Ilir Proda, drejtuesi në detyrë i Policisë së Shtetit, Sokol Bizhga dhe drejtuesi aktual i Qarkut Durrës, Skënder Hita.

Deri më tani, vetëm Prençi e ka konfirmujar kandidaturën.

Drejtori i policisë/ Zbulohet emri më i ri si kandidat
Shemsi Prençi

Kush është Shemsi Prençi

Shemsi Prençi ka drejtuar disa drejtori në Ministrisë së Rendit, ku ka shërbyer për shumë vite.

Ai mban gradën Drejtues i Parë dhe ka drejtuar Policinë e Fierit, të Elbasanit, të Dibrës, forcat lëvizëse Operacionale.

Në vitin 2009, Prençi u transferua nga drejtor i Policisë së Fierit, në drejtor të Forcave Speciale.

Shemsi Prençi ka qenë për disa vite drejtor i Emergjencave Civile me Edi Ramën kryeminister.

Gjithashtu ai ka mbajtur postin e këshilltarit për sigurinë të Presidentit të Republikës, Ilir Meta.

Ai ka kandiduar në primaret e Sali Berishës për kryebashkiak në Kamëz, si dhe për deputet të LSI-së në Durrës./ CNA

 




Lajmet e fundit nga