web counter
LEXO PA REKLAMA!

SHKARKO APP

E fundit!

x

Atentat tjetër ndaj Trump-it/ Berisha: Dënojmë aktin kriminal

16 Shtator 2024, 09:12, Aktualitet CNA
Atentat tjetër ndaj Trump-it/ Berisha: Dënojmë aktin kriminal
Kreu i PD-së, Sali Berisha

Kreu i PD-së, Sali Berisha, ka reaguar pas atentatit të dytë të dështuar ndaj kandidatit për President të SHBA-së, Donald Trump.

Berisha shkruan në rrjetet sociale se dënon ashpër aktin kriminal, ku forca e errësirës kërkon që me plumba të përcaktojë rezultatin e zgjedhjeve presidenciale në SHBA.

“Atentat tjetër ndaj ish-presidentit Donald Trump.

Miq, mbrëmë një ngjarje e rëndë tronditi SHBA dhe mbarë botën. Armiq të lirisë që mendojnë të diktojnë me plumba rezultatin e zgjedhjeve presidenciale në SHBA kryen në një hark kohor dy mujor një atentat tjetër tentativë vrasjeje ndaj kandidatit për President të Partisë Repubilkane, ish-presidentit Donald Trump në fushën e tij të golfit në Palm Beach. Atentatori  Ryan Ëesley Routh u pikas nga shërbimi i fshehtë i i presidentit që qëlloi drejt tij në momentin kur ngriti armën dhe po merrte shenjë ish-presidentin për të qelluar atë. Presidenti Trump fill pas atentatit që sipas autoriteteve zyrtare synonte vrasjen e tij njoftoj në platformën X se ai ishte shëndoshë e mirë dhe bëri thirrje për Bashkim, Paqe, të bëjmë Amerikën të madhe përsëri. Ne nuk dorëzohemi!

Partia Demokratike e Shqipërisë shpreh solidaritetin e saj me Partinë Republikane dhe kandidatin e saj për President Donald Trump dhe dënon me forcën më të madhe këtë akt kriminal me të cilin forca të errësirës duan të përcaktojnë me plumba dhe jo me votë rezultatin e zgjedhjeve presidenciale në SHBA, vendin e madh të lirisë”, shkruan Berisha./ CNA





Lajmet e fundit nga