web counter
LEXO PA REKLAMA!

SHKARKO APP

App Store
Google Play

Ilir Meta, në sulm ndaj Dumanit dhe SPAK-ut

16 Shtator 2024, 14:25, Aktualitet CNA
Ilir Meta, në sulm ndaj Dumanit dhe SPAK-ut
Kreu i Partisë së Lirisë, Ilir Meta

Kreu i Partisë së Lirisë, Ilir Meta, nuk ndal sulmet e njëpasnjëshme ndaj kreut të SPAK-ut, Altin Dumani, dhe institucionit të drejtësisë.

Në një deklaratë për mediat, menjëherë pas kreut të PD-së, Sali Berisha, ka qenë Meta i cili e ka quajtur Dumanin si rreshter të Rilindjes dhe SPAK-un organizatë kriminale.

“Është një rreshter i Rilindjes që ka kthyer SPAK-un në një orgazinatë kriminale që mbron pandëshkueshmërinë e Ramës, Veliajt dhe të gjithë bashkëpunëtorëve që do t’u vijë radha siç u ka ardhur shumë ish-ministrave për veprimet e paligjshme që kanë bërë duke marrë garanci nga Rama. Është angazhuar në një fushatë të ethshme kundër opozitës”, tha Meta.

Kjo deklaratë vjen pasi SPAK-u po kryen hetime për kreun e PL-së dhe familjarët e tij.

Sa i përket moszbatimit të vendimin të Gjykatës Kushtetuese për çështjen e mandatit të deputetes Olta Xhaçka, Meta tha se është një grusht shteti.

“Është grusht shteti në mënyrë të vazhdueshme, është një shprehje e asaj që shteti është i kapur nga Edi Rama.

Ju i dini rezervat e mia për integritetin e Gjykatës Kushtetuese.

Nuk dua t'ju kthej pas te betimet që bëheshin te Lana, kemi të bëjmë me një regjim dhe duhet të riorganizohemi për ta luftuar siç duhet”, tha Meta./ CNA





Lajmet e fundit nga