web counter
LEXO PA REKLAMA!

SHKARKO APP

App Store
Google Play

Nga Italia në Shqipëri/ Zbulohet skema e mashtrimit, si bliheshin diploma false

16 Shtator 2024, 18:24, Aktualitet CNA
Nga Italia në Shqipëri/ Zbulohet skema e mashtrimit, si bliheshin
Foto ilustruese

Një skemë mashtrimi me lëshimin e diplomave dhe certifikatave false në Shqipëri është zbuluar nga autoritetet italiane.

Sipas mediave të shtetit fqinj, në këtë skemë mashtrimi është përfshirë Kolegji Universitar "WISDOM", në Tiranë.

Mashtrimi u zbulua nga denoncimi i një qytetari, i cili kishte dyshime për vlefshmërinë e certifikatave të “WISDOM”.

Pas hetimeve të kryera nga Prokuroria e Tranit, rezultoi se në këtë skemë janë angazhuar 9 persona, ndërsa mendohet të jetë përfshirë edhe një zyrtar i qeverisë shqiptare.

Dy nga të dyshuarit dyshohet se i kanë dhënë ryshfet një zyrtari të qeverisë shqiptare për të "garantuar përfundimin e procedurës së akreditimit të institucionit".

Gjithashtu, ata gjenin shtetas italianë, të cilët paguanin rreth 8.000 euro për të marrë diploma dhe certifikata false në Tiranë.

Nga Italia në Shqipëri/ Zbulohet skema e mashtrimit, si bliheshin
Diplomat e sekuestruara

Kryesisht, personat që merrnin këto diploma ishin shtetas që synonin të punonin në administratë, ose kishin pasiguri për mbajtjen e vendit të punës.

“Shpesh këta persona mund të kishin humbur punën e tyre, prandaj ata binin pre e një gjendje dobësie të konsiderueshme. Atyre u thonin 'do të jeni në gjendje të mbani vendin tuaj të punës vetëm nëse, duke derdhur këtë shumë shtesë parash, merrni kualifikim shtesë të lëshuar nga universiteti’. Mund të thuash se këta individë e donin rrugën e shkurtër”, tha zëvendësprokurori i Tranit, Achille Bianchi.

Kolegji Universitar "WISDOM" në Tiranë ka qenë në pronësi 100% shqiptare, por më vonë i ka kaluar shtetasit italian me iniciale S. C., ndërsa administrator rezulton të jetë shtetasi L. C.

Pronari, administratori dhe 7 persona të tjerë janë arrestuar për këtë skemë mashtrimi, ndërsa autoritetet italiane po vijojnë hetimet./ CNA





Lajmet e fundit nga