web counter
LEXO PA REKLAMA!

SHKARKO APP

App Store
Google Play

E fundit!

x

Enveristi i fundit merr 500 mijë euro për komisionin kundër SPAK-ut

4 Dhjetor 2024, 17:22, Politikë CNA
Enveristi i fundit merr 500 mijë euro për komisionin kundër
Fotomontazh - Elisa Spiropali, Fatmir Xhafaj, në sfond SPAK-u

Fatmir Xhafaj ka kërkuar fonde shtesë për komisionin e tij të ashtëquajtur Antikorrupsion, që po lufton kundër SPAK-ut.

Mediat raportojnë se Kuvendi ka miratuar një fond rreth 500 mijë euro për komisionin e Xhafajt, me pretendimin se këto para do të shkojnë si pagesë për ekspertët.

Që të kuptohet qartë, Xhafaj ka marrë rreth 500 mijë euro nga Elisa e inceneratorit për komisionin e tij që punon në mënyrë abuzive për të shantazhuar organet e drejtësisë.

Enveristi i fundit merr 500 mijë euro për komisionin kundër
Komisioni Xhafaj

Ndërkohë që SPAK-u po lufton zyrtarët e lartë të Rilindjes, ndërkohë që Erion Veliajt i ngushtohet laku, Fatmir Xhafaj kthehet në skenë me komisionin e tij, të cilit i jepen edhe fonde.

Ky është momenti që SPAK-u të jetë më i fortë dhe më i vërtetë ndaj një njeriu, ndaj të cilit duhet të kishte filluar hetimi sipas ligjit antimafie. Nëse ka një njeri që duhet t’i hetohet gjithçka nga historia e tij politike dhe mund të përfundojë me keq se Meta dhe zyrtarët e Rilindjes, kryebashkiakë, ministra, etj., ai është Fatmir Xhafaj.

Por socialistët kanë gjetur enveristin e fundit për të shantazhuar dhe kërcënuar SPAK-un dhe ky është një veprim më shumë sesa politik, pasi po financohet një strukturë me qindra mijëra euro kur këto para mund të jepeshin për luftën ndaj korrupsionit në drejtësi.

Në fakt, duhet mbështetur SPAK-u që ka prodhuar rezultate të mëdha në luftën ndaj korrupsionit, ka sekuestruar 150 mijë euro asete, ka goditur grupe kriminale, tashmë të provuar për lidhje të forta me politikën, ka ngritur akuzë për qindra zyrtarë të lartë, ka kryer me dhjetëra hetime pasurore.

Enveristi i fundit merr 500 mijë euro për komisionin kundër
SPAK

Por në vend të drejtësisë financohet një komision nga Elisa e inceneratorëve, mbështetet një komision nga qeveria, sulmohet SPAK-u edhe nga opozita, sepse kjo është rruga për ta goditur këtë institucion për të frenuar luftën e vërtetë që po i bëhet korrupsionit.

Se çfarë lufte ndaj korrupsionit bën Parlamenti këtë e kanë parë shqiptarët në 3 dekada dhe kur ngjallet një shpresë për luftën ndaj korrupsionit dalin të tilla komisione, që drejtohen edhe nga njerëz të korruptuar, që përdoren nga politika, nga të dyja palët, sepse i shkon laku deri në fyt.

Kanë 3 dekada që po luftojnë dhe tashmë palët politike mesa duket kanë një dakordësi, palët që sillen sikur po bëjnë betejën parimore. Njëra palë madje thotë se ne e mbështesim SPAK-un, është produkti ynë, Amerika solli Noc Rrokun, etj., ndërkohë pala tjetër sulmon e akuzon me emra prokurorët e gjyqtarët.

Enveristi i fundit merr 500 mijë euro për komisionin kundër

Tani të dyja palët bashkohen te Xhafaj, japin edhe para që të kërcënojnë drejtësinë e vërtetë për luftën ndaj korrupsionit.

Megjithatë, nuk do të munden kurrë 500 mijë eurot e Elisës të ndalin luftën ndaj korrupsionit në Shqipëri, duke përdorur enveristin e fundit me shpatë në dorë.

Në fakt, duhet që të hetohen fondet dhe kostot që ka pasur ky komision, i paguar nga xhepat e shqiptarëve të varfër për të goditur SPAK-un, i cili është institucioni që po lufton korrupsionin./ CNA





Lajmet e fundit nga