E fundit!

14:59 Denoncim

Banorët e fshatit Gjashtë në Sarandë në “alarm”/ Shtylla elektrike, rrezik i vazhdueshëm

Një denoncim nga banorët e fshatit Gjashtë të Sarandës ka ...

Tomor Alizoti, në CDU: Opozita ka luftuar shumë për ekzistencën

4 Dhjetor 2024, 15:58, Politikë CNA

Tomor Alizoti, në CDU: Opozita ka luftuar shumë për

Deputeti i Partisë Demokratike, Tomor Alizoti, ka zhvilluar një takim në Hamburg, në zyrat e CDU-së.

Tomor Alizoti, ka deklaruar kryeministri Edi Rama, gjysmën e qeverisë e ka në burg, teksa ka hedhur akuza ndaj mediave.

Ai ka theksuar se në Shqipëri mediat flasin vetëm për opozitë, ndonëse kjo e fundit ka bërë një betejë të fortë për të ekzistuar.

"Rama ka arritur diçka nëpërmjet mediave e lobimit, që të flitet vetëm për opozitën. Në demokraci parësore është të flasësh për pushtetin, për qeverinë.

Vetëm në Shqipëri, në media e me miqtë tanë evropianë e amerikanë flitet për opozitën. Opozita gjatë kësaj kohe ka bërë një betejë të fortë, në radhë të parë për të ekzistuar e për të mos lënë vendin pa opozitë.

Për një kohë të gjatë ju mohua logoja. Personalisht në zgjedhjet lokale në qarkun që drejtoj na duhet të kandidonim pa logo, pa asnjë simbol, kur dihej në Shqipëri e jashtë saj që ne ishim shumica. Kur ju miq të nderuar evropianë e dinit dhe e dini që shumicë ishte Berisha dhe ekipi i tij përse nuk e pranuat, përse nuk ju dha Logo PD-së?

Ku ka opozitë në Evropën lindore me liderin e saj prej gati një vit të burgosur? Me nënkryetarin e grupit të burgosur se pohoi të vërtetat. Më gjeni një opozitë të tillë në Evropën lindore.

Miqtë tanë Evropianë e Amerikanë nuk thanë një fjalë.

Duan apo nuk duan në Shqipëri e jashtë saj, Berisha është shumicë në opozitën shqiptare. Politika nuk ndodh në teori apo me ëndrra e dëshira, por në realitet. Ne jemi realiteti i cili po përballet e do të përballet ditët e zgjedhjeve me kartelet e drogës.

Kemi një kryeministër i cili gjysmën e qeverisë e ka në burg. Kemi një ish-zëvendës kryeministër të arratisur. Kemi inceneratorë që kanë kushtuar gati gjysmë miliard dollarë dhe nuk ekzistojnë apo funksionojnë. Rama ja ka kaluar edhe magjistarit David Koperfild për të bërë të mundur zhdukjen e gjërave", ka nënvizuar deputeti.

Në takim me Tomorr Alizotin kanë qenë të pranishëm edhe tre deputetët gjermanë Knut Fleckentejn, Hans-Joachim Falenski dhe Erhard Buhler.