web counter
LEXO PA REKLAMA!

SHKARKO APP

App Store
Google Play

E fundit!

x

Porti i Durrësit/ Bardhi: Do të kërkojmë hetim parlamentar

4 Dhjetor 2024, 15:33, Politikë CNA
Porti i Durrësit/ Bardhi: Do të kërkojmë hetim parlamentar
Kryetari i Grupit Parlamentar të PD-së, Gazment Bardhi

Kryetari i Grupit Parlamentar të PD-së, Gazment Bardhi, ngre akuzat se Porti i Durrësit është një aferë që ka gjurmë deri në Ekuador dhe Kolumbi.

Me anë të një statusi në rrjetet sociale, Bardhi deklaron se çështja e Portit të Durrësit duhet të hetohet me seriozitet nga Prokuroria e Posaçme.

Gjithashtu, ai bën të ditur se për Grupin e PD-së do të kërkojë edhe një hetim parlamentar.

“Afera e Portit të Durrësit që sipas investigimeve serioze të mediave gjermane ka gjurmë që shkojnë deri në Ekuador dhe Kolumbi, është një nga aferat më të mëdha të Edi Ramës dhe Belinda Ballukut, që duhet të hetohet me seriozitet dhe pa asnjë vonesë. Për këtë qëllim, në mbledhjen e sotme të Grupit Parlamentar të Partisë Demokratike u vendos që mbi këtë aferë të kërkohet një hetim i plotë parlamentar.

Transparenca mbi pasuritë publike dhe veçanërisht verifikimi dhe prerja e lidhjeve të krimit të organizuar me projekte madhore strategjike të vendit, duhet të jetë misioni i Kuvendit në periudhën e mbetur të kësaj Legjislature.

Grupi Parlamentar i PD nxit Prokurorinë e Posaçme që sa më parë dhe pa asnjë hezitim të hetojë dhe verifikojë të gjitha investigimet e kryera mbi këtë aferë skandaloze korruptive dhe që dyshohet se ka fije të lidhura me krimin e organizuar ndërshtetëror”, nënvizon Bardhi./ CNA





Lajmet e fundit nga