web counter
LEXO PA REKLAMA!

SHKARKO APP

E fundit!

x

Sulmet kibernetike/ Ervin Hoxha: Rusia ndikon në rajonin e Ballkanit Perëndimor

4 Dhjetor 2024, 13:51, Politikë CNA
Sulmet kibernetike/ Ervin Hoxha: Rusia ndikon në rajonin e Ballkanit
Ervin Hoxha

Ministri i Brendshëm, Ervin Hoxha, gjatë fjalës së tij në Komisionin Parlamentar për Luftën Kundër Dezinformimit, tha se Rusia po përpiqet me ndikimin e saj në qarqet politike dhe ekonomike që të pengojë integrimin euroatlantik të rajonit tonë.

Hoxha tha se është gjerësisht e pranuar se aktorët kryesorë të luftës hibride dhe në çdo sulm kibernetik janë katër shtetet kryesore, Rusia, Kina, Irani dhe Koreja e Veriut.

Sipas Hoxhës, rajoni i Ballkanit Perëndimor ndodhet i ndarë dhe në të veprojnë forca konkurruese politike.

“Është gjerësisht e pranuar se aktorët kryesorë të luftës hibride dhe në çdo sulm kibernetik, janë të ashtuquajturit 'Big 4', katër shtetet kryesore: Rusia, Kina, Irani dhe Koreja e Veriut. Në vendet e Ballkanit Perëndimor, ndër vendet më aktive në luftën hibride është Rusia. Rajoni i Ballkanit Perëndimor ndodhet i ndarë dhe në të veprojnë forca konkurruese politike. Vlerësohet se Rusia ka shtuar prezencën dhe ndikimin në rajon, duke kundërshtuar dhe vonuar procesin e integrimit europian të këtyre vendeve nëpërmjet influencës politike, po dhe ekonomike”, tha ndër të tjera ministri./ CNA





Lajmet e fundit nga