web counter
LEXO PA REKLAMA!

SHKARKO APP

App Store
Google Play

Komisioni “Xhafaj”/ Rama: Duhet të vazhdojë deri kur Shqipëria të anëtarësohet në BE

27 Nëntor 2024, 13:20, Politikë CNA

Komisioni “Xhafaj”/ Rama: Duhet të vazhdojë deri kur

Kryeministri Edi Rama është bërë pjesë e mbledhjes së komisionit "Xhafaj" ditën e sotme.

Rama është shprehur se qëllimi i këtij komisioni është që parlamenti të bëhet epiqendra e një ndërveprimi intensiv që fillon me këtë fazë të procesit dhe që sipas tij duhet të vazhdojë deri kur Shqipëria të bëhet anëtare e BE-së.

“Nuk jam këtu për të dhënë mend sepse qëllimi kryesor i këtij Komisioni të Posaçëm është që parlamenti të bëhet epiqendra e një ndërveprimi intensiv që fillon me këtë fazë të procesit dhe që në këndvështrimin tim duhet të vazhdojë deri në momentin kur Shqipëria të anëtarësohet në BE.

Kjo do të përcaktohet vetë nga ky proces ku do të dalin konkluzionet dhe detyra për të gjitha institucionet.

Ekspertët u bënë target i akuzave, insinuatave dhe goditjeve nëpër kanalet dhe rrjetet e ndryshme të thashethemnajës së madhe publike që quhet liri e fjalës.

Thënë të gjitha këto, dua të nënvizoj tri gjëra lidhur me këtë proces dhe komision.

Në këndvështrimin tim ky komision është sot një instrument i pazëvendësueshëm dhe i patjetërsueshëm për suksesin tonë në procesin e anëtarësimit.

Në BE nuk shkojmë se qeveria e Shqipërisë, por si një front institucionesh që përfaqësojnë tri pushtete të cilat në raport me njëra-tjetën ka hapësira ndërveprimi, por kanë dhe kufi.

Nëse në ecurinë e negociatave përparon qeveria dhe nuk përparon një 'x' institucion atëherë kush është autoriteti dhe cili është instrumenti që vetë ky institucion të vendoset para përgjegjësisë për të dhënë llogari”, tha Rama./ CNA





Lajmet e fundit nga