web counter
LEXO PA REKLAMA!

SHKARKO APP

App Store
Google Play

E fundit!

x

Noka: Liria gjithmonë e ka një çmim, Berisha e pagoi padrejtësisht

27 Nëntor 2024, 12:17, Politikë CNA

Noka: Liria gjithmonë e ka një çmim, Berisha e pagoi

Sekretari i Përgjithshëm i PD-së, Flamur Noka, ka reaguar pas lirimit të Sali Berishës.

Sipas Nokës, liria e ka një çmim dhe se demokratët dhe Sali Berisha si lider i demokratëve e ka paguar me të padrejtë çmimin e lirisë më shumë se kushdo tjetër në këtë vend.

Noka tha në një deklaratë për mediat se, sot lideri i PD-së dhe i opozitës është i lirë falë qëndresës së demokratëve.

“Kjo ditë ka një domethënie: liria gjithmonë ka një çmim.

Demokratët dhe Sali Berisha si lider i demokratëve e ka paguar me të padrejtë çmimin e lirisë më shumë se kushdo tjetër në këtë vend.

Por kjo ditë tregon se kush qëndron, kush lufton për të drejtën dhe të vërtetën do vijë një moment që do triumfojë dhe fitojë.

Demokratët kaluan një kalvar të pashoq nga regjimi dhe mafia ndërkombëtare e Xhorxh Soros.

Drejtësia nën kthetrat e Soros bëri gjithçka për të likuiduar këtë forcë dhe liderin e saj.

Sot, lideri i PD dhe i opozitës është i lirë falë qëndresës së demokratëve.

Falë rezistencës së tyre.

Falë përballjes së tyre.

Falë luftës së tyre.

Falë edhe të vërtetës.

E vërteta vonon, por kurrë nuk harron.

Presioni i opozitës dhe qytetarëve e detyroi narkodrejtësinë t’i japë fund një sage vuajtjesh për opozitën dhe izolimi për liderin e saj.

Drejtësia e Xhorxh Sorosit apo narkodrejtësia nuk ka ndryshuar asgjë. Qëndresa, lufta, rezistenca, presioni i pareshtur i demokratëve e detyroi dhe e gjunjëzoi këtë narkodrejtësi.

Pra, kjo është ajo që mund t’u them.

Drejtësia e Sorosit apo narkodrejtësia e pa që Strasburgu po çelte dritën jeshile dhe do rrëzonte të gjitha vendimet e narkodrejtësisë dhe u ngut në tentativë për të shpëtuar fytyrën e vet.

Asgjë më shumë.

Strasburgu do t'i çirrte maskën narkodrejtësisë së Sorosit në Shqipëri, prandaj u ngutën për të larë atë që kishin përmjerë deri tani”, tha Noka./ CNA





Lajmet e fundit nga