web counter
LEXO PA REKLAMA!

SHKARKO APP

App Store
Google Play

E fundit!

x

Protesta e opozitës/ Xhaferri: Nuk e amnistojmë hajdutërinë e Edi Ramës!

26 Nëntor 2024, 22:42, Politikë CNA
Protesta e opozitës/ Xhaferri: Nuk e amnistojmë hajdutërinë
Kreu i FRPD-së, Besart Xhaferri

Kreu i FRPD-së, Besart Xhaferri ka reaguar për protestën e ditës së sotme ku theksoi se nuk do e falin gjakun e Ardit Gjoklajt, Klodian Rashës dhe Martin Canit dhe nuk e amnistojmë hajdutërinë e Edi Ramës.

Xhaferri u shpreh se qytetarët e Tiranës të të gjitha moshave janë përplasur sot me policinë për të dëshmuar se ky vend nuk i pranon më prangat e Autokracisë.

Ndër të tjera, Xhaferi tha se Ministria e Shëndetësisë nxorri flotën e ambulancave me patronazhistë, ambulanca që zhduken nga qarkullimi sa herë Veliaj organizon Maratonat shumëngjyrëshe të sektit tij.

“Nuk e falim gjakun e Ardit Gjoklajt, Klodian Rashës dhe Martin Canit dhe nuk e amnistojmë hajdutërinë e Edi Ramës!

Sot qytetarët e Tiranës ju përgjigjen thirrjes për mosbindje civile duke pushtuar rrugët e qytetit për të dëshmuar se ky vend nuk i pranon më prangat e Autokracisë.

Qytetarët e fisëm të këtij vendi kryesisht pensionistë, kryefamiljar dhe të rinj janë përplasur me Policinë që sonte u soll si krahu i armatosur i një Narkoshteti, që nuk e kurseu dhunën, gazin lotsjellës dhe ujin ndaj tyre.

Arrestimi i Fatmir Myrtajt si të ishte eksponent i krimit dhe arrestimet e zonjave të LDG si të ishin kriminele janë testi i parë i mercenarëve të krimit dhe politikës të emëruar si drejtues policie.

Ne jemi peng të rezistencës së këtyre qytetarëve të ndershëm që sot morën përpara Narkoregjimin e parë në Evropë.

Ndërkohë kontributit për asgjësimin e protestës ju Bashkua dhe Ministria e Shëndetësisë që nxorri flotën e ambulancave me patronazhistë, ambulanca që zhduken nga qarkullimi sa herë Veliaj organizon Maratonat shumëngjyrëshe të sektit tij.

Ne nuk kemi ndërment të bëjmë pazar me gjakun e Martin Canit, Ardit Gjoklajt dhe Klodian Rashës dhe nuk kemi ndërmend të amnistojme vjedhjet dhe gjenocidin e Edi Ramës!”/CNA





Lajmet e fundit nga