web counter
LEXO PA REKLAMA!

SHKARKO APP

App Store
Google Play

E fundit!

x

“Pse nuk veprove si Kryemadhi”/ Berisha flet për moszbatimin e vendimit të gjykatës

26 Nëntor 2024, 11:57, Politikë CNA
“Pse nuk veprove si Kryemadhi”/ Berisha flet për moszbatimin e
Kreu i PD-së, Sali Berisha

Kreu i PD-së, Sali Berisha, ka qenë i ftuar në "MCN TV", ku është pyetur se përse nuk e zbatoi vendimin e gjykatës për masën e sigurisë "detyrim paraqitje" të kërkuar nga SPAK-u, njëlloj siç bëri Monika Kryemadhi, e cila është e lirë pavarësisht hetimeve nga SPAK-u dhe Berisha nuk do të përfundonte në arrest shtëpie.

Berisha u përgjigj se nuk refuzoi vendimin e gjykatës sepse Kushtetuta kërkon qe vendimet të jenë të ligjshme. Çdo urdhër sanksionon se nuk duhet zbatuar urdhri i paligjshëm.

Lideri i opozitës deklaroi se ajo që u vendos ishte grusht shteti brenda shtetit, marrje e pushtetit të Parlamentit, nga gjykatësit për t’ia dhënë Edi Ramës.

“Një arsyetim ekstrakushtetues ky. Pse? Refuzova vendimin e gjykatës sepse Kushtetuta kërkon qe vendimet të jenë të ligjshme. Çdo urdhër sanksionon se nuk duhet zbatuar urdhri i paligjshëm. Së dyti, ajo që u vendos ishte grusht shteti brenda shtetit, marrje e pushtetit të Parlamentit, nga gjykatësit për t’ia dhënë Edi Ramës.

Unë isha personi që kisha dërguar në vitin 2012 amendamentin për abrogimin e nenit 73 të Kushtetutës, që detyronte organet e drejtësisë të merrnin autorizim nga Parlamenti, para se të vendosnin kufizime të lirive të deputetit, të çfarëdolloj lirie.

Këtë e kundërshtoi në mënyrë kategorike Edi Rama. E kundërshtuan edhe Këshilli i Evropës, ndaj edhe unë e kisha të qartë që ata gjykatës shkruan Kushtetutën me vendimin e tyre, nuk mund të bëhesha pjesë e një puçi, të njerëzve që nuk kanë ligj dhe moral.

GJK përsëri në vendimin e vet, dëshmon se vendimi ishte antikushtetues, sepse sipas tyre shkeli parimin e përpjestimit, parim i sanksionuar në nënin 17 të Kushtetutës. Pse e nxora këtu? Sepse vendimi i gjykatës ishte antikushtetues. Ka edhe një nen tjetër, 15, që thuhet se të drejtat, liritë, janë të pandashme. Në qoftë se një apo tre apo pesë individë vendosin të marrë peng apo skllavëruar, vendosin të shkruajnë Kushtetutën apo ta dhunojnë atë, nuk e bëj kurrë atë. Edhe në ligj edhe në germë edhe në frymë edhe në precedent, në rastin e Tahirit, ajo nuk mund të ndodhte pa miratimin e Parlamentit. Me mua nuk e krijonin kurrë një grusht banditësh një precedent antikushtetues. Nuk mund ta bënin kurrë. Nuk isha unë ai që mund të shkelja Kushtetutën”, tha Berisha./ CNA





Lajmet e fundit nga