web counter
LEXO PA REKLAMA!

SHKARKO APP

App Store
Google Play

E fundit!

x

112-vjetori i ngritjes së flamurit në Elbasan/ Berisha: Jemi sërish në diktaturë, të ngrihemi

25 Nëntor 2024, 18:15, Politikë CNA
112-vjetori i ngritjes së flamurit në Elbasan/ Berisha: Jemi
Kryetari i Partisë Demokratike, Sali Berisha

Kryetari i Partisë Demokratike, Sali Berisha, mori pjesë virtualisht në eventin e organizuar nga PD-ja, me rastin e 112-vjetorit të ngritjes së flamurit në Elbasan.

Berisha tha se Elbasani ka një kontribut të madh në histori, në të gjitha kohërat.

Ai deklaroi se tashmë ky qytet dhe e gjithë Shqipëria po përjetojnë një diktaturë që po shkatërron identitetin kombëtar.

Kreu i PD-së kërkoi që çdo qytetar i Elbasanit të ngrihet në protestë për të rrëzuar qeverinë.

“Elbasani jo në një, por në disa drejtime themelore ishte dhe do bëhej djepi i shqiptarizmit. Alfabeti që u votua në Manastir fluturoi në Elbasan në shkollën, Normalen e këtij qyteti, universitetin e parë të shqiptarëve. Por, me mbledhjen e kësaj elite intelektuale, por dhe të klerikëve patriotë të besimeve fetare të këtij qyteti.

Elbasani u shndërrua në djepin e zhvillimeve të mëdha të mëvonshme të bashkësisë islamike, vendimet e së cilës janë të një rëndësie historike për besimtarët myslimanë shqiptarë. Shprehin në mënyrën më të mrekullueshme shpirtin, besimin e shqiptarëve.

Komisia e Elbasanit për gjuhën ishte një tjetër akt madhor i këtij qyteti dhe elitës shqiptare që u bashkua aty, në të cilën u përcaktuan orientimet më të drejta, apo u bë hapi i dytë më madhor pas alfabetit për bashkimin e shqiptarëve në gjuhën e tyre.

Të dashur miq, kontributi i Elbasanit në histori në të gjitha kohërat është një kontribut i madh. Unë kam besim se ky qytet i bekuar, edhe në këtë kohë që ne përjetojmë një diktaturë, po t’i them shfarosëse, me të drejtë tjerëve kjo fjalë mund t’ju vrasë veshin. Por realiteti është ky. Një komb që ka njohur në shekuj e mijëvjeçarë dhjetëra pushtime, nuk ekziston asnjë pushtim tjetër si ky që, në 10 vite të ketë larguar nga Shqipëria 40% të popullit shqiptar.

Në këtë aspekt, kjo ngjarje që sot kremtojmë duhet të jetë një frymëzim i madh për ne, sikundër ata burra në kushtet më të vështira vendosën të valëvisin flamurin kombëtar. Sot, kërkohet nga çdo qytetar dhe qytetare e Elbasanit të ngrihemi dhe të shpëtojmë Shqipërinë nga kjo politikë e cila po shkatërron qënien, identitetin tonë kombëtar.

Kundër kësaj diktature, më e keqja në historinë në kuptimin e asaj, që diktaturat e bandave janë vlerësuar nga historianët si më të këqijat, sepse ato nuk ndjekin asnjë rregull, asnjë ligj, asnjë Kushtetutë, përveçse përroi psiqik të diktatorit. Beteja që zhvillojmë sot është një kauzë e drejtë, është një kauzë e cila do fitojë. Në rast se rikthehemi bashkë një vit më parë, dy vite më parë, apo qoftë edhe 6 muaj më parë do shohim se në kalvarin që i imponua”, theksoi Berisha./ CNA





Lajmet e fundit nga