E fundit!

08:12 Politikë

“I shari shan, i mençuri mendon”/ Rama ndan mesazhin e qytetarit

Kryeministri Edi Rama ka ndarë në rrjetet sociale postimin...

Në SPAK, për dosjen "5D"/ Këlliçi: Ja çfarë kërkova

25 Nëntor 2024, 20:39, Politikë CNA

Drejtuesi politik i PD-së për Tiranën, Belind Këlliçi

Drejtuesi politik i PD-së për Tiranën, Belind Këlliçi, u paraqit këtë të hënë në SPAK, ku u thërrit si person në dijeni dhe si kallëzues për dosjen "5D".

Këlliçi tha në një intervistë me Armela Ferkon se për rreth dy orë ka folur me oficerin e BKH-së për dosjen “5D”.

Ai nuk dha shumë detaje nga biseda, pasi theksoi se është sekret hetimor, megjithatë zbuloi se ka bërë disa kërkesa, si trajtimi i drejtorëve të Veliajt si grup kriminal dhe marrjen në pyetje të shtetases Jona Bejko.

“Jam thërritur në Prokurorinë e Posaçme sot, me kërkesë të prokurorit që ka çështjen nën hetim, “5D”-në, prokurorit Klodian Braho. Kam pasur një seancë për thuajse dy orë pyetje-përgjigje me oficerin e përcaktuar nga prokurori i çështjes në lidhje me “5D”-në.

Për çfarë më është kërkuar të mbetet sekret hetimor do mbetet sekret hetimor dhe nuk kam ndërmend ta them në detaje, por kam bërë të qartë që vendimi i Gjykatës së Apelit të Posaçëm që është dhënë para pak muajsh, në raport me këtë dosje, që kërkon pikë së pari trajtimin e këtij grupi si grup i strukturuar kriminal, marrjen në pyetje të shtetases Jona Bejko, e cila në mesazhet private të komunikimit me punonjësit e “5D”-së thonte se hoteli 50 milionë euro ka aksioner Lali Erin. I kam kërkuar SPAK të na bëjë të ditur se kush është Lali Eri. Nëse ka mbetur ndonjë shqiptar që nuk e di”, u shpreh drejtuesi i PD-së për Tiranën.

Këlliçi tha se kërkoi të hetohet roli i titullarit të autoritetit kontraktor në Bashkinë e Tiranës, që ka firmosur një pjesë të tenderave për drejtorët e tij.

"Kam kërkuar të ndiqet paraja. Për sa kohë që kemi një dëm të buxhetit të shtetit, kjo e gjitha si skemë financiare ka një faturë që i është shkaktuar dëm buxhetit të shtetit dhe i kam kërkuar me ngulm SPAK që të hetohet sa është kjo faturë dhe të gjitha pronat dhe asetet e përfituara nga këta keqbërës zyrtarë të konfiskohen të sekuestrohen dhe t’i kthehen shtetit shqiptar", theksoi ai./ CNA