web counter
LEXO PA REKLAMA!

SHKARKO APP

App Store
Google Play

E fundit!

x

Balluku, nga Bulqiza: Rruga e Arbrit përdoret nga opozita për të fajësuar qeverinë Rama

26 Nëntor 2024, 10:41, Politikë CNA

Balluku, nga Bulqiza: Rruga e Arbrit përdoret nga opozita për të

Numri 2 i qeverisë dhe njëherësh ministrja e Infrastrukturës dhe Energjisë, Belinda Balluku, ndodhet sot në Bulqizë ku ka prezantuar projektin më të ri për këtë qytet që është “Parku Retro”.

Balluku u shpreh se kjo do t’i sjellë qytetit një rehabilitim dhe do të sjellë një frymë të re ekonomike dhe transformimi.

“Projekti për të rehabilituar një zonë të lënë pas dore.

Ky projekt dukej sikur nuk do të ndodhte kurrë. Kur e kemi ndarë me ju kanë qenë skeptikë se është zonë e komplikuar, sot jemi në ditën e lumtur për të ndarë një projekt turistik që do të ketë dhe vlera muzeale, do të kthehet në një treg modern për të tregtuar produktet e Matit, Bulqizës pse jo dhe Dibrës. Disa do ndërtohen nga e para disa do të restaurohen. Do të kthehen në një park të madh argëtimi. Qarku i Dibrës prej vitesh ka marrë një vëmendje të veçantë nga turistë të huaj dhe vendas.

Ka qenë një kënaqësi e madhe kur nuk gjeja lehtë një bujtinë për të fjetur. Ishte kënaqësi kur thonin se i kemi të prenotuar. E njëjta gjë do të ndodhë në Bulqizë, do kthehet në një nga pikat e rëndësishme turistike, si një lagje e Tiranës”, tha Balluku.

Po ashtu Balluku përmendi faktin se vazhdon puna për tunelin e Murrizit që është i gjithi me hekur.

Ministrja u ndal te Rruga e Arbrit duke thënë se është përdorur shpesh nga opozita për të fajësuar qeverinë Rama se nuk investon në veri, por vetëm në jug, por e vërteta sipas Ballukut është se qeveria Rama po e përfundon këtë rrugë.

“Tuneli i Murrizit është i gjithi në hekur për shkak të burimeve ujore. Sot kam parë sa kishte avancuar puna. Kanë mbetur qindra metra për të mbaruar armatimin e tunelit të hekurt, sot kam parë se si do të jetë kalimi direkt nga shkalla e Tujanit në tunel të Murrizit, më pas për të vazhduar në urat e mahnitshme që ka Rruga e Arbrit. Rruga e Arbrit përdoret në mënyrën më brutale nga opozita për ta fajësuar për veprën më interesante që solli Dibrën 1 orë e 10 minuta nga Tirana. Për ta fajësuar se qeveria nuk investon në veri, por vetëm në jug. Qeveria Rama është ajo që po ndërton Rrugën e Arbrit, qeveria Rama është ajo e cila po ndërton rrugën që do të lidhë Dibrën me qarkun e Elbasanit. Jemi në fazën e fundit të aksit nga ura e Cerenecit në Librazhd”, deklaroi Balluku./ CNA





Lajmet e fundit nga