web counter
LEXO PA REKLAMA!

SHKARKO APP

App Store
Google Play

E fundit!

x

Berisha, sërish akuza ndaj Artan Hoxhës

25 Nëntor 2024, 22:54, Politikë CNA
Berisha, sërish akuza ndaj Artan Hoxhës
Kreu i PD-së, Sali Berisha

Kreu i PD-së, Sali Berisha, hodhi sërish akuza ndaj gazetarit Artan Hoxha gjatë një daljeje televizive.

Berisha ngriti pretendimet se Hoxha është paguar nga bandat e Shkodrës dhe të Elbasanit.

“Kemi operuar apo jo është çështje tjetër. Nëse lexon Metamorfozën dhe dosje të tjera, ai është paguar nga Bajri. Ka kryer detyra të ngarkuara nga Bajri. Janë në dosje. Janë të transkriptuara. Lidhur me bandën e Elbasanit, lidhjet janë shumë të vërteta, por nuk janë kurrë më shumë se lidhjet e Taulant Ballës me bandën e Elbasanit. Asnjëri prej tyre që është arrestuar. Sot për bandën e Suel Çelës, nuk janë as një e dhjeta e lidhjeve të Taulant Ballës me bandën e Elbasanit dhe bandat e tjera.

Kështu që marr proporcionin dhe për ta mbyllur, ishte një djalë i ri 23 vjeç që nuk është më, sepse një dorë e zezë i dha një plumb pas veshi. Ky djalë i ri i një familje të nderuar në Devoll, u ekzekutua me plumb pas veshi sepse kishte denoncuar tek gazetari që po flasim, parcelat e kanabisit, drejtorit të policisë. Kjo vrasje makabër nuk u hetua ndonjëherë”, tha ai.

I pyetur nëse sulmet e tij vijnë si shkak i qëndrimeve kritike të gazetarit ndaj tij, ish-kryeministri e mohoi një gjë të tillë.

“Po të hyj unë të bëj një analizë, ka njerëz më kritikë ndaj meje aty. Nuk mund të nisem nga kritika. Së pari njeriu i qytetëruar është njeri kritik, njeriu modern është njeri kritik. Secili ka të drejtë të ketë mendimet e tij rreth veprimeve të mija. Kështu ju garantoj se qëndrimi im në rastin konkret nuk ka asnjë lidhje me kritikat e tij dhe nuk mund të ketë”, theksoi Berisha./ CNA





Lajmet e fundit nga